Ukrayna PA-nın əməkdaşı: “Rus ordusu fəlakətə dairəsinə girir”

Aleksey Arestoviç: “İşğalçıların vəziyyətdən çıxış yolları azdır. Onlar irəliləyə bilməzlər. Bu qabiliyyəti hər gün itirirlər. Dayanmaq da ölüm kimidir. Ərazini mühasirədə saxlamağa çalışmaq onlara hücumdan daha baha başa gələcək”

Rusiya-Ukrayna müharibəsinin dördüncü həftəsi başlayıb. Hazırda hər iki ölkənin ordusu Ukrayna ərazilərində bir-birinə zərbələr vurmaqda davam edirlər. Aydın görünür ki, rus ordusu qarşısına qoyduğu əsas məqsədə hələ çatmayıb, güclü müqavimət onları hərbi planlarına müəyyən dəyişikliklər etmək məcburiyyətində qoyub. Təbii ki, Ukrayna ordusu da itkisiz ötüşmür.

Reyting.az Ukrayna Prezident Aparatının (PA) məsləhətçisi, hərbi-analitik, keçmiş zabit Aleksey Arestoviçin müharibədəki real vəziyyətlə əlaqədar müsahibəsini təqdim edir.

- Kiyevin kənarındakı ən qaynar nöqtələrdən biri - Buça və Qostomel qəsəbələridir. Orada nə baş verdiyini şərh edə bilərsinizmi?

- Orada düşmən beş gündən çox müdafiə ilə məşğuldur. Hücum potensialları tükəndiyi üçün hər hansı hücum hərəkəti etmirlər. Biz onları quru, raket, artilleriya və aviasiya ilə məğlub etdiyimiz üçün tükəniblər. Quru qoşunlarımız təfərrüatı bir az məhdud ifadə edir. Lakin əsas məğlubiyyət artilleriya zərbələri ilə olub - düşmənin çoxlu canlı qüvvəsi, texnikası məhv edilib və ehtiyatları sıradan çıxarılıb.

- Bəs Kiyevin şərq hissəsi - Borispol və Brovarı?

- Qoşunlarımız onların qarşısını orada kəsib, artilleriyamız və quru qoşunlarımız onları həmin hissədə “döyür”. Beləliklə, burada da narahat ola bilməzsiniz. Bu, şimal-qərbdə olduğu kimidir. Mövqe döyüşləri, taktiki, kiçik, vəziyyəti yaxşılaşdırmaq cəhdləri... Artilleriyamız işləyir.

- İzyumun şimalı isə işğalçılar tərəfindən zəbt olunub, Ukrayna ordusu cənubda mövqe tutub?

- Bəli. Orada çay bölünür. Ağır döyüşlər gedir. Rus qoşunları şəhərdən yan keçməyə çalışıblar. Şəhərdən yan keçmək istəyərkən qüvvələrimiz əks-hücuma keçərək onları bu istiqamətdə məğlub edib. Bunlar taktiki əhəmiyyətli döyüşlərdir.

- Rusiyanın teleqram kanallarını izləyirəm, onlar Ukrayna ordusunu Xarkovdan cənuba çəkir və mühasirəyə almaq istəyirlər?

- Yaxınlıqda ətraf mühasirə yoxdur. Volnovaxada faktiki olaraq fəaliyyətini dayandırmış bir irəliləyiş var. Bizim dəstəmiz Volnovaxa istiqamətində şərqdən qərbə dönüş edib ki, düşmənin fəaliyyəti dayandırılsın.

Ruslar Uqledara hücum etməyə çalışırlar. Onlar bizim qoşunlarımız üçün çox real təhlükə yaradırlar, lakin indiyədək bu reallaşmayıb. Bu istiqamətdə təhlükə bütövlükdə deyil, yalnız bir briqadamızadır. Ancaq biz də onunla işləyirik.

- Görünən odur ki, şərqdə ruslar separatçı Luqanskidə “səfərbərlik” və moblizasiya olunan insanları döyüşə cəlb edib. Belə insanlardan nə qədərinin öldüyü barədə məlumat varmı?

- Hələ ki, ciddi şəkildə işləyə biləcəyimiz dəqiq məlumatımız yoxdur. Amma əlimizdə onların əsirlərinin ifadəsi var. Əsirlərdən biri deyir ki, onlar öncə Birgə Qüvvvələr Əməliyyat (OSS-Donbas) zonasında istifadə olunub, sonra Xarkova köçürülüb və nəticədə onunla birlikdə çağırılan 2000 nəfərdən yalnız 20-si sağ qalıb. Onların necə istifadə edildiyini anlamaq lazımdır.

İndi Avdevkaya hücumun ikinci günüdür. Onlar ukraynalıların illərdir müdafiə qurduqları, minalanmış ərazilərlə yanaşı şəhərlərə atılır, ərazi vurulur. Ardınca Rusiya kadr bölmələrini göndərir.

- Donbasda ən çətin istiqamət hansıdır?

- Severodonetsk, Avdeevka və Popasnaya. Həmçinin Şimali Volnovaxa və İzyum. Sösüz ki, Mariupol başda gəlir.

- Düşmən kiçik dəstələrlə Mariupola əsgərlər yeridir və onların demək olar ki, hamısının məhv edilməsi haqda deyilənlər nə dərəcədə doğrudur?

- Kiçik qrupları onunla əsaslandırmaq olar ki, bizim artilleriyaya istiqamət verəcəyimizdən qorxurlar. Prinsipcə, bu, ağlabatandır, lakin kiçik qruplar da müdafiə qüvvələri üçün böyük qruplar kimi həssas olur. Əgər elit 150-ci diviziyanın general-mayoru Oleq Mityayev öldürülürsə, bu artıq göstəricidir. Nəzərə alın ki, o, yaxşı təlim keçmiş biridir. Baxmayaraq ki, Mityaev yerli əhaliyə fərq qoymadan çox qəddar rəftarı ilə məşhurlaşmışdı.

- Dediklərimizdən belə nəticə çıxır ki, Rusiya Baş Qərargahı onları bütün hallarda döyüşə göndərir?

- Sözsüz. Əslində Mityaev cəbhə xəttində idi. Çox güman ki, necə döyüşmək lazım olduğunu göstərmək məqsədilə döyüşə girib. Çünki onun əsgərləri döyüşməkdən imtina edirdilər. Adətən general yaxın döyüşdə o zaman öldürülür ki, o yerə şəxsən rəhbərlik etsin.

- Başa düşülən odur ki, ndi Mariupola Qərbdən çox təzyiq göstərməyə çalışırlar?

- Bəli. Əsasən Berdyanskdan. Şəhər Şərqdən yaxşı qorunur.

- Mariupolu dəniz istiqamətindən hərbi gəmilərdən atəşə tutmağa başlayıblar?

- Şəhəri sındırmaq üçün bütün vasitələrdən istifadə edirlər. Aydındır ki, mülki yaşayış məntəqələrini də vururlar.

- Ordunuza nə qədər ziyan vururlar?

- Şəhərin müdafiəçiləri, hərbçilər ilə daimi əlaqəm var. Onlar özlərinə çox da hərbi ziyan dəydiyini hiss etmədiklərini deyirlər. Amma dinc əhalini, mülki məntəqələri heç bir səbəb olmadan bombalayırlar.

- Ruslar hələ də Xersonun ətrafına qoşun toplayıb Nikolayevdən yan keçməyə çalışırlar. Səbəb nədir?

- Rus döyüş tərzidir. Çernobayevka təkcə vertolyotlarla deyil, bizim hesablamalarımızla, qrupun bu istiqamətdə təkmil komanda məntəqəsi ilə əhatə olunduqdan sonra onlarda çaxnaşma yaranıb. Onlar Nikolayev yaxınlığından çaxnaşma içində qaçdılar və qaçışı orada hansısa səhra komandiri dayandırdı. Onlar qismən öz mövqelərinə qayıtdılar. Hazırda döyüşlər gedir.

- Odessa təhlükədədir?

- Odessa ilə bağlı qətiyyən narahat olmaq olmaz.

- Amma ruslar Odessa vilayətinin Tuzla kəndi istiqamətində vurmağa başlayıb...

- Bəli, kənd ərazisindən. Onlar hədəfə atəş açmayıblar. Onların vəzifəsi atəş gücümüzü yoxlamaq idi. Bizimkilər ağıllı davrandılar, cavab vermədilər. Bu səbəbdən də düşmən istədiyini əldə edə bilmədi. Təbii ki, əsgər endirmək riski qalır. Amma onun birbaşa Odessaya gedəcəyini düşünmürəm. Anlayırlar ki, dərhal məhv olacaqlar. Ruslar çuxur tapmağa çalışacaqlar, indi kəşfiyyat aparırlar. Onlar nəsə etməyə çalışdılar, lakin “Vasili Bıkov” patrul gəmisi hər şeyin necə bitdiyini söyləyə bilər.

- Hava hücumundan müdafiəyə toxunaraq demək olar ki, kifayət qədər çox təyyarə vurulur...

- Tezliklə yüz olacaq, dünən səhər vurulan təyyarələrin sayı 83 ədəd idi. Bizim hər cür hava hücumundan müdafiəmiz işləyir. Bundan əlavə, bəziləri hava döyüşlərində ölür. Döyüşçülərimiz onları vurur.

- Ukraynalı pilot - “Kiyev Kabusu” haqqında bütün deyilənlər sadəcə əfsanədir?

- Biz çoxlu atəş açırıq və bunun bir pilot olduğunu düşünmürəm. Bu, daha çox “Kiyev Kabusları”nın bir qrupudur.

- Siz bundan əvvəl qeyd etmişdiniz ki, ya iki həftə ərzində danışıqlarda müəyyən irəliləyiş olacaq, ya da müharibə may ayına qədər davam edəcək. İndi nə deyə bilərsiniz?

- Hesablamalara görə, düşmənin qüvvə və vasitələri hətta aprelin ortalarına qədər çatmayacaq.

- Onlar böyük şəhərlərin ətrafını qazıb mühasirədə saxlamağa çalışacaqlar?

- Mütləq qazmağa, müdafiəni saxlamağa çalışacaqlar. Ancaq təsəvvür edək: onlar hərəkətsiz dayandıqda və biz onların harada olduqlarını dəqiq bildikdə, bu bayırda hərbi karvanı axtarmaqdan və tutmaqdan daha asandır. Bundan əlavə,yaz gələcək, hər yer yaşıl geyinəcək. Partizanlarımız, xüsusi təyinatlılarımız və müdafiə qrupları nişan almağı və tutmaq işini daha rahat görəcəklər. Onlar əslində fəlakətə dairəsinə girirlər, bu vəziyyətdən çıxış yolları azdır. Onlar irəliləyə bilməzlər. Bu qabiliyyəti hər gün itirirlər. Dayanmaq da ölüm kimidir. Ərazini mühasirədə saxlamağa çalışmaq onlara hücumdan daha baha başa gələcək. Ona görə də yeganə çıxış yolları buradan çıxmalarıdır.

- Siz hakimiyyətdən getdiniz, sonra qayıtdınız - niyə?

- Müharibə başlayanda kommisarlığa getmişdim, hətta dörd dostumu da özümlə aparmışdım ki, bir bölməyə gedək. Amma Prezident Aparatının rəhbəri Andrey Ermak mənə zəng etdi və dedi ki, siz burada lazımsınız. Mən, hər bir zabit kimi, ən təsirli olduğum yerdə olmağa öyrəşmişəm. Razılaşdım və ofisə gəldim. Məsləhətçi statusunu tərk etməmişəm və deyildi ki, vəzifələr artıq prinsipə əsaslanır: nə qədər özünüzə götürəcəksiniz, hamısı sizindir. Mən həvəslə bir neçə ciddi istiqamət götürdüm. Onların bəziləri haqqında yəqin ki, müharibədən sonra da danışa bilmərik. Amma məsləhətçi statusunun nə olduğuna işarə edə bilərəm.

Ana səhifəyə dön