Mərkəzi Bank Azərbaycanda fəaliyyət göstərən banklara xəbərdarlıq edib.

Modern.az saytı bank sistemindəki mənbəyə istinadən bildirib ki, banklara ünvanlanan xəbərdarlıq məktublarında qiymətləndirilmə ilə bağlı məsələdə ciddi pozuntuların olduğu qeyd edilib və banklara qəti şəkildə tapşırılıb ki, bundan sonra müstəqil qiymətləndirmə şirkətləri ilə işləsinlər.

Qeyd edək ki, bu günə qədər banklarda qiymətləndirmə əməliyyatını əksər vaxtlarda elə bankların özlərinə məxsus qiymətləndirmə şirkətləri həyata keçirib. Nəticədə isə ancaq bankların maraqları qorunub. Həm fiziki, həm də hüquqi şəxslər bu məsələdən zərər görüblər.

İqtisadçı Vüqar Bayramovisə Modern.az saytına açıqlamasında deyibki, əmlakın qiymətləndirilməsi və zonalarda orta qiymətin nəzərə alınması ilə bağlı məsələlər prezident İlham Əliyevin imzaladığı "Azərbaycan İpoteka Fondu Açıq Səhmdar Cəmiyyətinin yaradılması haqqında” fərmanda öz əskini tapıb:

"Əsas problem ondan ibarətdir ki, kommersiya banklarının özünün 10-a yaxın qiymətləndirmə şirkətləri var. Daimi olaraq ipoteka kreditləri verilən zaman bir və ya daha çox qiymətləndirmə şirkəti ilə birlikdə fəaliyyət göstərirlər. Bu da əmlakın doğru qiymətləndirilməsi ilə bağlı müəyyən çətinlik yaradır, dəqiq məlumat verilməsinə imkan vermir.

Bir çox hallarda əmlakın qiyməti bazar qiymətindən yüksək göstərilir. Məqsəd daha çox ipoteka kreditinin alınması, alınan kreditlə ilkin ödənişi bağlamaq, həmçinin ipoteka kreditinin bir hissəsinin digər məqsədlər üçün istifadə edilməsidir.

Bu zaman təbii ki, ev alan da, ev satan da praktik olaraq öz aralarında müəyyən razılıq əldə edir.
O baxımdan, rəqabətli qiymətləndirmə vacibdir. Bu həm İpoteka Fondu üçün, həm də vətəndaş üçün vacibdir. Çünki bir sıra hallarda bankla vətəndaş razılaşıb qiyməti yüksək göstərə bilirdisə, bəzi hallarda hətta qiymətləndirmə şirkəti situasiyaya uyğun mövcud bazar qiymətindən aşağı və ya yuxarı qiymət verirdi ki, uduzan vətəndaş olsun”.

V.Bayramov bildirib ki, rəqabətli qiymətləndirmə olduğu zaman vətəndaş aldığı evin bazar qiymətinə uyğun qiymətləndirildiyinə əmin olur: "Ona görə də qiymətləndirmə yalnız rəqabətin artırılması üçün deyil, həm də mexanizmlərin dəyişdirilməsi ilə bağlıdı ki, bununla evin aşağı qiymətləndirilməsinə imkan verməməsi lazımdır ki, vətəndaş uduzmasın”.

Mərkəzi Bank Azərbaycanda fəaliyyət göstərən banklara xəbərdarlıq edib.

Modern.az saytı bank sistemindəki mənbəyə istinadən bildirib ki, banklara ünvanlanan xəbərdarlıq məktublarında qiymətləndirilmə ilə bağlı məsələdə ciddi pozuntuların olduğu qeyd edilib və banklara qəti şəkildə tapşırılıb ki, bundan sonra müstəqil qiymətləndirmə şirkətləri ilə işləsinlər.

Qeyd edək ki, bu günə qədər banklarda qiymətləndirmə əməliyyatını əksər vaxtlarda elə bankların özlərinə məxsus qiymətləndirmə şirkətləri həyata keçirib. Nəticədə isə ancaq bankların maraqları qorunub. Həm fiziki, həm də hüquqi şəxslər bu məsələdən zərər görüblər.

İqtisadçı Vüqar Bayramovisə Modern.az saytına açıqlamasında deyibki, əmlakın qiymətləndirilməsi və zonalarda orta qiymətin nəzərə alınması ilə bağlı məsələlər prezident İlham Əliyevin imzaladığı "Azərbaycan İpoteka Fondu Açıq Səhmdar Cəmiyyətinin yaradılması haqqında” fərmanda öz əskini tapıb:

"Əsas problem ondan ibarətdir ki, kommersiya banklarının özünün 10-a yaxın qiymətləndirmə şirkətləri var. Daimi olaraq ipoteka kreditləri verilən zaman bir və ya daha çox qiymətləndirmə şirkəti ilə birlikdə fəaliyyət göstərirlər. Bu da əmlakın doğru qiymətləndirilməsi ilə bağlı müəyyən çətinlik yaradır, dəqiq məlumat verilməsinə imkan vermir.

Bir çox hallarda əmlakın qiyməti bazar qiymətindən yüksək göstərilir. Məqsəd daha çox ipoteka kreditinin alınması, alınan kreditlə ilkin ödənişi bağlamaq, həmçinin ipoteka kreditinin bir hissəsinin digər məqsədlər üçün istifadə edilməsidir.

Bu zaman təbii ki, ev alan da, ev satan da praktik olaraq öz aralarında müəyyən razılıq əldə edir.
O baxımdan, rəqabətli qiymətləndirmə vacibdir. Bu həm İpoteka Fondu üçün, həm də vətəndaş üçün vacibdir. Çünki bir sıra hallarda bankla vətəndaş razılaşıb qiyməti yüksək göstərə bilirdisə, bəzi hallarda hətta qiymətləndirmə şirkəti situasiyaya uyğun mövcud bazar qiymətindən aşağı və ya yuxarı qiymət verirdi ki, uduzan vətəndaş olsun”.

V.Bayramov bildirib ki, rəqabətli qiymətləndirmə olduğu zaman vətəndaş aldığı evin bazar qiymətinə uyğun qiymətləndirildiyinə əmin olur: "Ona görə də qiymətləndirmə yalnız rəqabətin artırılması üçün deyil, həm də mexanizmlərin dəyişdirilməsi ilə bağlıdı ki, bununla evin aşağı qiymətləndirilməsinə imkan verməməsi lazımdır ki, vətəndaş uduzmasın”.