Məşhur müğənni ağır xəstəlikdən əziyyət çəkir

Selin Dion xəstəlikdən əvvəl

Dünya şöhrətli fransız müğənnisi Selin Dion neçə vaxtdır ağır xəstəlikdən əziyyət çəkir. Onu müayinə edən həkimlər səhnə ulduzuna sərt əzələ sindromu diaqnozu qoyublar.

Reyting.az xəbər verir ki, bu barədə "Forbes" jurnalı yazıb.

S. Dion öncə xəstəliyi ilə bağlı barəsində dolaşan söhbətlərə reaksiya vermək istəməsə də, sonralar həkimlərin ona sərt əzələ sindromu diaqnozu qoyduğunu bildirib. Müğənni elə bu səbəbdən gələn il üçün Böyük Britaniyada və Avropada nəzərdə tutulan böyük tur konsertlərini ləğv etdiyini söyləyib.

S. Dionun neçə müddətdir ki, əziyyət çəkdiyi bu mərəz tibb elmində ağır, eləcə də mütərəqqi əzələ sərtliyinə, əzələ spazmlarına səbəb olan nadir, sağalmaz nevroloji xəstəlik kimi qiymətləndirilir.

"Forbes"-in yazdığına görə, əslində S. Diona mütərəqqi əzələ sərtliyinə və əzələ spazmlarına səbəb olan və ağır dərəcəli hesab olunan otoimmün xüsusiyyətlərə malik nadir nevroloji xəstəlik sayılan Sərt Şəxs Sindromu (SPS) diaqnozu qoyulub.

54 yaşlı müğənni təəssüflə deyib ki, bu nadir xəstəlik həm də onun idarəolunmaz əzələ spazmlarına səbəb olur, həmçinin yeriməkdə, eləcə də oxumaqda çətinlik çəkir, ona görə gələn il Böyük Britaniyada, ümumiyyətlə, bütün Avropada planlaşdırılan konsertləri verə bilməyəcək.

“Uzun müddətdir ki, mənim səhhətimdə problemlər var. Onlarla üz-üzə gələndə keçirdiyim hisslərdən, hər şey haqqında danışmaq mənim üçün çox çətin idi. Bu yaxınlarda mənə çox nadir hallarda rast gəlinən, sərt əzələ sindromu adlanan və milyonda bir insana təsir edən nevroloji xəstəlik diaqnozu qoyuldu. Bu nadir hal haqqında nəsə öyrənsək də, yenə bilirik ki, mənim sancılarımın əsas səbəbi bu xəstəliklə bağlıdır. Təəssüf ki, əziyyətli bu spazmlar gündəlik həyatımın hər bir sahəsinə təsir edir, bəzən mən yeriməkdə çətinlik çəkirəm, bəzən də xəstəlik adət etdiyim kimi oxumağa və səs tellərimdən istifadə etməyimə mane olur”, - deyə S. Dion bildirib.

Selin Dion xəstəlikdən sonra

Müğənni onu da əlavə edib ki, xəstəliyin simptomlarını azaltmaq, tez bir zamanda səhnəyə qayıtmaqdan ötrü əlindən gələni edir: “Mənimlə birlikdə çalışan əla həkim komandam var və sağalmağıma kömək edirlər, yaxınlıqda əziz övladlarım var. Onların hamısına "Mənə dəstək ol və mənə kömək et",- deyirəm. Mən gücümü, yəni yenidən səhnəyə çıxmaq, yenə çıxış etmək bacarığımı bərpa etmək üçün həm də idman həkimlərimlə hər gün bir neçə saat çalışıram, amma etiraf etməliyəm ki, bu, mübarizədir”.

"Forbes" nəşrinin arayışına görə, ABŞ Milli Nevroloji Xəstəliklər İnstitutunun rəyincə SPS nadir, sağalmaz xəstəlikdir və üstəlik "Gövdədə, ətraflardakı əzələ sərtliyi, həm də əzələ spazmlarına səbəb olan səs-küy, toxunma, eləcə də emosional stress kimi stimullara artan həssaslıq" ilə xarakterizə olunur. SPS xəstəliyinə tutulmuş insanlar əyilmiş və gərgin duruşlarla xarakterizə edilirlər; Sedativlər və əzələ gevşeticilər xəstəliyin gedişatını ləngitməyə qismən kömək etsə də.

Hazırda həkimlərin tövsiyəsinə əməl edən, Kanada əsilli fransız müğənni S. Dionun sənətçi kimi konsert proqramları üçün nəzərdə tutulan layihələr üzərində işləmədiyi bildirilir.

Oqtay QORÇU

Ana səhifəyə dön