Millət vəkili Zeynəb Xanlarova AŞPA-nın Türkiyə barəsində çıxardığı qərara parlamentdə sərt reaksiya verib.

O, bildirib ki, Türkiyəyə qarşı çıxarılan qərar ədalətsizdir:

"Mən ömrüm boyu "türkəm, türkəm” demişəm. Həmişə demişəm ki, türkün gücü tükənməz. Türkün gücünü görən Avropa Şurası əlbəttə ki, belə hərəkətlər edəcək. Bu hərəkətlər bütün Azərbaycan xalqını qəzəbləndirib”.

Z.Xanlarova deyib ki, bu gün Azərbaycanda hər kəs istəsə Avropa Şurasına bu barədə etiraz məktubu göndərər:

"Mən xahiş edirəm ki, parlament adından etirazımızı bildirək. Çünki bu gün Türkiyəyə qarşı olan qərar sabah bizim barəmizdə də veriləcək. Bütün Azərbaycan xalqı ayağa qalxmalıdır. Bizim ağrılı yerimiz olanda həmişə Türkiyə yanımızda olub. Gəlin, millət kimi Türkiyəmizi qoruyaq”.