"Şəxsi məlumatlarım illərdir icazəsiz sorğulanır. Hər dəfə mygov-dan bildiriş gəlir. “Kapital Bank” ASC 2022-ci ildən bu günə qədər (2023, 2024, 2025 daxil olmaqla) mənim FİN nömrəm üzrə sosial müdafiə, müavinət və iş yerim haqqında məlumatları mütəmadi şəkildə sorğulayıb".

Reyting.az xəbər verir ki, bunu məşhur müğənni Nura Suri sosial media hesabında yazıb.

Onun sözlərinə görə, bank bu tarixlərdə onun şəxsi məlumatlarına girişə cəhd edib:

- 2022 - 25 avqust, 25 dekabr

- 2023 - 26 fevral, 30 mart, 30 aprel və s.

- 2024 - 7 fevral, 18 may, 6 oktyabr, 18 noyabr, 31 dekabr

- 2025 - 31 yanvar, 4 mart, 4 aprel, 4 may, 10 may, 10 iyun, 24 iyun, 29 sentyabr, 29 dekabr və s.

Nura Suri qeyd edib ki, “Kapital Bank”da heç vaxt hesabı olmayıb, kredit müraciəti etməyib və bankla heç bir müqavilə bağlamayıb: “Yəni mən bu məlumatların əldə edilməsinə razılıq verməmişəm. Bu sorğular hansı əsasla edilir? Bilmək istəyirəm. Artıq məsələ ilə bağlı rəsmi şəkildə müraciət etmək istəyirəm".

Müğənni bu statusu paylaşmasının səbəbini də izah edib:

"Hamı məlumatlı olsun e-social kabinetinizdə kimlərin sorğu etdiyini yoxlayasınız. Şəxsi məlumat toxunulmazdır, bildiyim qədəri ilə".

Azər

Reyting.az