İlon Mask "Tesla" sürücülərini aldadır

Milyarder İlon Mask "Tesla" sahiblərini aldadır. Çünki "Tesla" avtomobil zavodunun sahibi verdiyi vədə yenə əməl etməyib. Beləliklə, "2023-cü ilə qədər "Tesla" avtomobillərində tam avtopilot olmayacaq, 2024-cü ildə isə heyrətamiz olacaq",- deyən İ. Maska media vasitəsilə dediklərini xatırladıblar.

Reyting.az-ın məlumatına görə, "Tesla"-nın onilliyin sonuna qədər öz elektrik avtomobillərində tam hüquqlu avtopilot tətbiq etmək cəhdləri uğursuz olub və o vaxtdan bəri Mask baş verən hadisəni hər il müntəzəm olaraq "növbəti ilin sonuna" təxirə salır.

Mask bu həftə etiraf edib ki, 2016-cı ilin payızı və 2023-cü ilin yanvar ayları arasında istehsal olunmuş avtomobillərdə "FSD" versiyasını tətbiq etmək mənasızdır.

Problem ondadır ki, "Tesla" şirkət olaraq əvvəllər 2016-cı ilin payızından buraxılan bütün elektrik avtomobillərində tətbiqə, "FSD" avtopilotu üçün zəmanətli dəstəyə diqqət yetirirdi, çünki onlar "Tesla"-nın öz neyron prosessorları ilə "HW3" aparat kompleksi ilə təchiz edilmişdir. Bundan əvvəl şirkət öncə "İsrail Mobileye"-nin komponentlərinə arxalansa da, sonra bir müddət fasilə verildi və müasir avtomobil istehsalçılarından nümunə götürməklə "NVIDIA" şirkəti ilə əməkdaşlığa çalışdılar.

Əfsanəvi Cim Kellerin "Tesla" istehsalına, avtomobilinə avtopilot üçün özünün çox keyfiyyətə malik olduğu deyilən, həm də qiymətləndirilən neyron prosessorlarının hazırlanmasına kömək etdiyi bildirilsə də, bu və ya digər şəkildə 2023-cü ilin yanvarına qədər mövqeyini dəyişməyə qərar verən avtomobil şirkəti öz elektrik maşınları ilə "HW4" simvolunu alan "FSD" kompleksinin daha da təkmil versiyasına dönməli oldu.

Daha da güclü və müasir prosessorlarla yanaşı, "HW4" kameraların istifadəsini də təmin edir. Mask hətta çox sonralar etiraf etmişdi ki, "HW3" avadanlıq dəsti "Tesla" şirkətinin istehsalı olan avtomobil üçün hazırlanmış və iki əvvəlki nəsil bort kompüterləri "HW4"-ü əvəz edilə bilməz.

Hesabat konfransında çıxış edən şirkətin rəhbəri bildirib ki, "HW3" aparat platforması üçün tam hüquqlu və bütün tələblərə cavab verən "FSD" tətbiq etmək həddən artıq çox səy tələb edir. Bu isə o deməkdir ki, hazırkı vəziyyətdə "HW4" sistemi "HW3" nəsil kompleksi ilə təchiz edilmiş avtomobillərdə quraşdırıla bilməz.

Maskın fikrincə, "Tesla" şirkəti bir xoşməramlı jest etməklə yenə 2016-cı ilin payızından 2023-cü ilin yanvarına qədər buraxılmış bu modellərdən olan elektrik avtomobillərinin bütün sahiblərinə "FSD" tam versiyasını təqdim etmək qərarına gəlsə, o zaman sistemə uyğun avtomobil buraxmalı olacaq.

İ. Mask deyib ki, bu addımı yenidən atmaq həm də müasir avadanlıq dəsti əldə etmək deməkdir. "Tesla"-nın tədbirində çıxış edən Maskın sözlərinə görə, gələn ilin ikinci rübündə "FSD"-nin adi sürücüdən daha təhlükəsiz olacağına çox ümid edir. İş adamı həm də xatırladıb ki, bu avtomobil şirkətinin özünü idarə edən taksi xidməti bundan sonra Kaliforniya və Texas sakinləri üçün əlçatan olacaq.

Çıxışının sonunda İ. Mask "Tesla" şirkəti adından deyib ki, onlar heç vaxt müştəriləri aldatmaq fikrində olmayıblar.

Oqtay QORÇU

Ana səhifəyə dön