“Tesla” avtomobillərinə yeni rəqib gəlir

"Lucid Motors" avtomobil şirkəti 2026-cı ildə istehsalı planlaşdırılan "orta ölçülü" yeni krossoverin tizer şəklini təqdim edib və onun tezliklə yeni "Tesla Model Y" ilə rəqabət aparmağı hədəflədiyini bildirib.

Reyting.az-ın xəbərinə görə, "Lucid Motors" şirkətinin baş direktoru Piter Roilson avtomobilin parlaq, heykəltəraş zövqü ilə hazırlanmış bir dizayna malik olduğunu və görənləri heyran etdiyini söyləyib. Roilson inanır ki, yeni avtomobil rəqibi "Tesla"-nı bu yarışda üstələcəyək.

Onun sözlərinə görə, iddialara baxmayaraq, tezliklə istehsalına başlayacaqları yeni avtomobil brend olaraq dünyada ən çox satılmış avtomobil hesab edilən "Model Y"-ni ötəcək, üstəlik, bu maşından daha səmərəli və daha ucuz olacaq.

Roilson deyib: "Unutmayaq ki, biz bu gün "Mercedes-Benz" və "Porsche" ilə böyük rəqabət aparırıq. Ancaq yaxın gələcəkdə şirkət olaraq orta ölçülü krossoverimizlə "Tesla" ilə rəqabət aparacağıq".

"Lucid" hazırda iri Air sedanını satışa çıxarıb. Bu ilin sonunda isə "Gravity" krossoverini də təqdim etməyi planlaşdırır. Qiymətlər 71,400 dollardan başlayır, "Gravity" isə təxminən 80,000 dollardan da baha olacaq. Həmçinin 2026-cı ildə satışa çıxarılacaq yeni orta ölçülü krossoverin qiymətinin 50.000 dollar olacağı gözlənilir.

"Lucid" şirkətindən bildiriblər ki, müasir dizayna malik yeni model krossoverlərin cəlbedici olacağı şübhəsizdir, çünki şirkət bütün texnoloji üstünlüklərindən istifadə edərək rəqibləri ilə eyni diapazonu təmin edəcək, həm də daha kiçik batareyadan yararlanacaq. Gələcək krossoverin adı isə rəsmi olaraq açıqlanmayıb.

Arizona tədbirində "Gravity" avtomobili üstün imkanlara malik ən yaxşı yolsuzluq maşın kimi seçilib. Bu açıqlamadan sonra maşınla bağlı daha bir yeni fakt məlum olub. "Gravity" böyük Amerika yolsuzluq avtomobilləri ilə müqayisədə ən sərfəli, həmçinin daxili həcmi, idman avtomobilinin hərəkət dinamikasını tam təmin etməklə, birdəfəlik doldurulmaqla 700 kilometrlik yolu maneəsiz qət etmək gücündə olan yeganə maşındır.

"Lucid Motors" avtomobil şirkəti həm də əminliklə təsdiq edib ki, "Gravity" modeli krossoverində "Tesla"-nın Şimali Amerika Doldurma Standartına uyğun doldurma konnektoru da olacaq. Şirkət qeyd edib ki, ilk buraxılışda bütün bunlar nəzərdə tutulmur.

2025-ci ildən etibarən öz gözəl dizaynına görə maşınlar arasında seçilən "Gravity" avtomobil modellərində bir çox texnoloji yeniliklərin mövcud olacağı gözlənilir. Bu isə yeni ortalığa çıxan avtomobil kimi ən populyar olan və kifayət qədər tanınmış "Tesla" ilə rəqabətə girən avtomobil kimi ona texniki üstünlüklər verəcək.

Ehtiyac olarsa, "Gravity" modeli üçün hazırlanmış bir çox müasir texnoloji yeniliklərin köməyi ilə bu avtomobil heç bir problem yaşamadan 15.000-dən çox "Supercharger" stansiyasında şarj etmək imkanına malik olacaq.

Oqtay QORÇU

Ana səhifəyə dön