Dünyada ən hündür turbini Almaniya tikəcək

Dünyanın ən hündür külək turbini (365 metr) Almaniyada tikiləcək.

Reyting.az xəbər verir ki, bu barədə "Kosmos news" saytı məlumat yayıb.

Bildirilir ki, hər şey plana uyğun gedərsə, yaxın 10 ildə hətta onlarla 1000 metr hündürlükdə külək turbinləri tikilə bilər.

Hazırda Almaniya dövləti üçün əsas məqsəd sərfəli, küləkdən daha çox enerji əldə etməyin ümumi texniki üsulu ilə bu sayaq nəhəng ölçüdə külək turbinlərinin qurulması, külək dəyirmanı qanadlarının uzunluğunu artırmaqdır. Başqa bir planlı yanaşma isə bu sahədə, müəyyən zaman kəsiyində çox hündür külək turbinlərinin qurulmasıdır.

Dünyanın ən böyük külək turbinlərinin hündürlüyü təxminən 150 metrdir. Almaniyanın "Süddeutsche Zeitung" qəzeti bildirib ki, yeni külək turbininin hündürlüyü iki dəfə artmalıdır.

Bu layihənin ideyası ilk dəfə Almaniyada 1990-cı ilin sonlarında mühəndis Horst Bendiksin ağlına gəlib. Almaniyalı alimin və mühəndisin təxminlərinə görə, yüksək hündürlükdə bir külək turbini iki dəfədən çox enerji istehsal edə bilər.

Xatırladaq ki, külək qülləsinin məlumatları çox maraqla qarşılanıb, hətta gözləntiləri aşıb. Alman şirkət "GİCON" isə uğurları barədə yerli və xarici medianı bununla bağlı çox geniş məlumatlandırıb, bundan sonra da yeni layihələrin olacağı xəbərini vermişdi.

Almaniya mühəndislərinin quraşdıracağı, 300 metr hündürlükdə olacaq yeni külək turbininin normal hündürlükdə, həm də eyni turbindən 60-70 faiz daha çox enerji istehsal edəcəyi proqnozlaşdırılır.

Nəşr yazır ki, dünyanın ən hündür külək turbini Brandenburqda yerləşir. Məhz elə bu ərazidə də yüksək hündürlükdə külək turbinlərinin istehsalı üzrə ilk dəfə zavod tikiləcək. Layihənin təşəbbüskarları hələ ki, çatışmayan tikinti icazələrini, hüquqi sənədləri almağı gözləyirlər. Bununla bağlı bütün problemlər həll olunduqdan sonra işə başlanacaq.

Nəzərdə tutulan külək turbini tikildikdən sonra onun ümumi hündürlüyü, yerdən rotora qədər 365 metr olmalıdır ki, bu da onu dünyanın ən hündür külək turbininə çevirəcək. Layihənin inkişafı və tikinti də daxil olmaqla, ümumi xərclər məbləğinin 20-30 milyon avro olacağı gözlənilir.

İstifadəyə verildikdən sonra ən hündür külək turbininin 20 ildən çox elektrik enerjisi istehsal edəcəyi gözlənilir.

Layihə davam etdiriləcək, 10 il ərzində Almaniya yüksək hündürlükdə belə külək turbinlərindən maksimum 1000 ədədini qurmağa hədəflənib. Külək turbinləri bu ölkənin ümumi elektrik enerjisinə olan tələbatın 5 faizini ödəyə biləcəklər.

"Kosmos news" xüsusi olaraq vurğulayır ki, belə dirəklərə, yüksək hündürlükdə külək turbinlərinə Almaniyadan başqa digər ölkələr də maraq göstərir.

Külək enerjisinə böyük maraq göstərən, yaxın gələcəkdə sifarişçilərə çevrilməyi ehtimal olunan belə ölkələrin sırasında Braziliya, Malayziya, Səudiyyə Ərəbistanı və Türkiyə də var.

Oqtay QORÇU

Ana səhifəyə dön