Patruşevlər ailəsi taxıl daşınması üçün şərt qoyub, amma...

“Krım körpüsünə zərbə endirilməzdən əvvəl Rusiya Federasiyası razılaşma yolu ilə Patruşevlər ailəsi, eləcə də FTX üçün çirkli pulların yuyulma mənbəyini “canlandırmaq” niyyətində olub”.

Reyting.az xəbər verir ki, bunu siyasi strateq Mixail Şeytelman deyib.

Onun sözlərinə görə, Krım körpüsündəki hadisədən əvvəl Rusiya Federasiyası Ukrayna ilə Taxıl sazişindən “qazanmaq” niyyətində olub və Avropa İttifaqı qarşısında “Rosselxozbank”la bağlı şərt qoyulub.

Şeytelman qeyd edib ki, 14 iyun 2023-cü ildən bu qurum rəsmi olaraq SWIFT ödəniş sistemindən ayrılıb. Bu isə Rusiya Federasiyası Təhlükəsizlik Şurasının katibi, “Rosselxozbank”a nəzarət edən Nikolay Patruşevin ailəsini əlverişsiz vəziyyətə salıb. Eyni zamanda Rusiya Federasiyasının bəzi yüksək səviyyəli orqanlarının, eləcə də FTX-nin əvvəllər çirkli pulları yuyduğu mənbəyi bloklanıb.

Şeytelman əlavə edib ki, Krım körpüsündəki partlayışdan əvvəl Taxıl müqaviləsini yeniləməmək üçün tələblər səslənib: “Biz yeniləyəcəyik, siz SWIFT-i Rusiya Kənd Təsərrüfatı Bankına açacaqsınız”.

Şeytelmanın fikrincə, indi də Kreml pozulmuş sövdələşmə ilə Krımda baş verən insident arasında əlaqəni inkar edir ki, “geri hərəkət” edə bilsin:

Onun sözlərinə görə, “Qazprom”-a Putin ailəsi, “Rosselxozbank”a Patruşevlər ailəsi nəzarət edir. Ona görə də bütün bunlar “Taxıl sövdələşməsi”ndə Patruşevin şərtləridir, Rusiya Federasiyasının yox.

Strateq həmçinin BMT Baş katibi Antonio Quterreşin güzəştə getməsinə də diqqət çəkib: “Onlar Quterreşi “Rosselxozbank”a lobbiçi kimi işə götürdülər. O, SWIFT-i açmaq imkanı olan Qərb ölkələrinə səfər etdi”.

Qeyd edək ki, Rusiya iyulun 17-də Taxıl sazişindən çıxdığını bəyan edib və bundan sonra Qara dənizdə gəmiçiliyi əngəlləməklə hədələyib. Elə həmin gün Krım yarımadasında fövqəladə hadisə baş verib - qeyri-müəyyən şəraitdə Krım körpüsünün bir keçid dağılıb. Rusiya bunun Ukraynanın terror hücumu çərçivəsində baş verdiyini bildirir, lakin Kiyev partlayışlarda iştirakını inkar edir.

İyulun 18-də Ukrayna prezidenti Vladimir Zelenski bildirib ki, Ukrayna Rusiya Federasiyasının iştirakı olmadan, lakin Türkiyə və BMT-nin təhlükəsizlik zəmanəti ilə taxıl ixracına davam edə bilər. Buna cavab olaraq Kreml Qara dəniz bölgəsində taxıl daşıyan gəmilər üçün risk təhlükəsini qeyd edib və təhlükəsizliyinə zəmanət verməyib.

Bu gün isə Ukrayna Müdafiə Nazirliyi elan edib ki, dövlət dənizin şimal-şərq hissəsini və Kerç-Yenikalski boğazını Rusiyanın gəmiçilik təhlükəsi ilə əlaqədar gəmilər üçün bağlayır: “Bütün risklərə görə məsuliyyət tamamilə Rusiya rəhbərliyinin üzərinə düşür”.

Qadağa 21 iyul 2023-cü il saat 00:00-dan qüvvəyə minir: bu andan etibarən Ukrayna Qara dənizdə Rusiya Federasiyasının limanları və ya müvəqqəti işğal olunmuş ərazilərdəki Ukrayna limanları istiqamətində üzən bütün gəmiləri hərbi təhlükə hesab edir.

E. KAMAL

Ana səhifəyə dön