Ukrayna ilə Rusiya arasında gizli məkanda görüş başa çatıb

Moskva və Kiyev nümayəndə heyətləri arasında Ukraynadakı vəziyyətin nizamlanması üzrə danışıqlar başa çatıb, tərəflər ikinci raundun keçirilməsi barədə razılığa gəliblər.

Reyting.az xəbər veri ki, bu bardə “RİA Novosti” məlumat yayıb.

Məlumata görə, görüş Belarusun Qomel vilayətində keçirilib, təxminən beş saat davam edib.

Rusiya nümayəndə heyətinin üzvü Vladimir Medinski bildirb ki, bu müddət ərzində iştirakçılar bütün gündəliyi ətraflı şəkildə nəzərdən keçiriblər. Onun sözlərinə görə, ortaq mövqelər proqnozlaşdırılıb və mümkün olan məqamlar tapılıb.

Eyni zamanda Rusiya Dövlət Dumasının Beynəlxalq Əlaqələr komitəsinin sədri Leonid Slutskidə görüşlə bağlı fikirlər səsləndirib: "Rusiya Federasiyası və Ukraynanın nümayəndə heyətləri irəliləyiş əldə edilə biləcək mühüm bəndləri tapdılar. Ukrayna nümayəndə heyəti dinləməyə və aktual məsələlərin ətraflı müzakirəsində iştirak etməyə hazır idi".

Öz növbəsində, Ukrayna Prezidentinin Aparat rəhbərinin müşaviri Mixail Podolyak bildirib ki, tərəflər spesifik həll yollarının təsvir olunduğu prioritet mövzular müəyyən ediblər.

Ukrayna və Rusiyanın nümayəndə heyətləri arasında danışıqlar başa çatıb.

Bu barədə Ukraynanın “Seqodnya” nəşri məlumat yayıb.

Danışıqlarda hansısa nəticənin əldə edilib-edilmədiyi məlum deyil.

***

Belarusda Ukrayna və Rusiyanın nümayəndə heyətləri arasında danışıqlar başlayıb.

Bu barədə BelTA məlumat yayıb.

Nümayəndə heyətlərinin görüşü Ukrayna sərhədi yaxınlığında, Pripyat çayının sahilində keçirilir. Təhlükəsizlik səbəbi ilə dəqiq görüş yerinin adı açıqlanmır.

Qeyd olunub ki, Rusiyanın nümayəndə heyəti hələ ötən gün Belarusa gəlmişdi.

***

“Rusiya Ukrayna ilə danışıqlarda hər iki tərəfin maraqlarına cavab verən razılığa gəlməkdə maraqlıdır. Ümid edirik, buna nail olacağıq”.

“Reuters” xəbər verir ki, bunu Ukrayna ilə danışıqlarda Rusiya nümayəndə heyətinin rəhbəri, prezident Vladimir Putinin köməkçisi Vladimir Medinski deyib.

Reytingaz xəbər verir ki, Zelenski isə görüşdən müsbət nəticə əldə olunacağına inanmadığını deyib: "Amma yenə baxaq, görək, nə deyirlər".

***

Ukrayna nümayəndə heyəti Rusiya nümayəndələri ilə danışıqlarda iştirak etmək üçün Ukrayna-Belarus sərhədi ərazisinə gəlib.

Reyting.az xəbər verir ki, bu barədə Ukrayna Prezidentinin Ofisi məlumat yayıb.

Nümayəndə heyətinə “Xalqın xidmətçisi” fraksiyasının sədri David Araxamia, Ukraynanın müdafiə naziri Oleksiy Reznikov, Prezident Aparatının rəhbərinin müşaviri Mixailo Podolyak, Ukraynanın Üçtərəfli Təmas Qrupunda nümayəndə heyəti rəhbərinin birinci müavini Andrey Kostin, Ali Radanın deputatı Rüstəm Umerov və Ukrayna xarici işlər nazirinin müavini Nikolay Toçitski daxildir.

Rusiyanın heyətinə prezident Vladimir Putinin köməkçisi Vladimir Medinski başçılıq edir.

Danışıqların əsas məsələsi dərhal atəşkəs və qoşunların Ukrayna ərazisindən çıxarılmasıdır.

***

Ukrayna və Rusiya arasında danışıqlar Belarusun Qomel şəhərində aparılacaq.

Ukrayna mətbuatı xəbər verir ki, danışıqlarda Ukraynanı Xarici işlər nazirinin müavini Nikolay Toçitski təmsil edəcək.(Report)

O, Ukraynanın aparıcı diplomatlarından biridir. Eyni zamanda ölkənin Avropa İttifaqı missiyasındakı rəhbəri olub.

Reyting.az xəbər verir ki, Belarus Prezident Aparatı Ukrayna XİN rəsmisinin Qomelə gələcəyini təsdiqləyib.

Bu açıqlamanın ardınca Zelenski də bəyanat verib.

O, görüşün Qomeldə olacağını təsdiqləyərək deyib: "Mən Lukaşenko ilə Ukrayna nümayəndə heyətinin Rusiya nümayəndə heyəti ilə Ukrayna-Belarus sərhədində, Pripyat çayı yaxınlığında ilkin şərt olmadan görüşməyi razılaşdırdıq".

Reyting.az

Ana səhifəyə dön