Putin-Ərdoğan görüşü başlayıb - Kreml görüşdən əvvəlki zəngin sirrini açmayıb

Moskvada Türkiyə prezidenti Rəcəb Teyyub Ərdoğanla Rusiya prezidenti Vladimir Putin arasında görüşün formatı təkbətək olacaq.

Reyting.az xəbər verir ki, bu barədə Kremlin sözçüsü Dmitri Peskov bildirib.

Kremlin sözçüsü əlavə edib ki, əgər ehtiyac yaranarsa, görüşə məhdud sayda rəsmilərin qatılması da mümkündür.

Peskov bildirib ki, Ərdoğanla görüşdən əvvəl Rusiya lideri Putinin beynəlxalq telefon müzakirəsi aparacaq. Ancaq müzakirənin kiminlə aparılacağı barədə məlumat verilməyib.

Peskovun sonuncu ifadəsi diqqəti cəlb edib. Rusiya liderinin Ərdoğanla görüşdən əvvəl daha çox iki şəxslə danışmaq ehtimalı var. Bunlardan biri ABŞ prezidenti Donald Tramp ola bilər. Əgər Putin-Tramp telefon müzakirəsində Suriya ilə bağlı ikili razılaşma əldə edilərsə, bu halda Türkiyə liderinin mövqelərində mexaniki zəifləmənin baş verməsi mümkündür.

Amma iş orasındadır ki, Ərdoğan Moskva səfərindən əvvəlki bir həftə ərzində ABŞ lideri Trampla iki dəfə telefonla müzakirələr aparıb, görüşdən əvvəl isə ABŞ-ın BMT-dəki səfirini qəbul edib.

Putinin Ərdoğanla görüşdən əvvəl müzakirə aparacağı ikinci şəxs Suriyanın dövlət başçısı Bəşər Əsəddə ola bilər.

Üçüncü variant kimi Vladimir Putinin ABŞ-dan savayı BMT Təhlükəsizlik Şurasının daimi üzvləri olan Fransa və Böyük Britaniya ilə dəyərləndirmələr aparması da mümkün sayılır.

Yeri gəlmişkən, ötən gün Əsəd bəyan edib ki, Türkiyə ilə dialoqa hazırdır. Mümkündür ki, Kremlin sahibi yaranan durumu kökündən həll etməyin ən münasib yolunu Türkiyə ilə Suriya arasında birbaşa əlaqənin qurulmasında görsün.

Əlavə edək ki, Ərdoğanı aparan təyyarə saat 13:20-də Moskvadakı Vunkova hava limanına enib.

Burada Ərdoğanı Rusiya xarici işlər nazirinin müavini Sergey Rybakov, dövlət protokol şöbəsinin rəhbəri İqor Baqdaşev, Rusiyanın Ankaradakı səfiri Aleksey Yerlov və Türkiyənin Moskvadakı səfiri Mehmet Şimşək qarşılayıb.

Qeyd edək ki, artiq Türkiyə və Rusiya liderlərinin görüşü başlayıb.

Rusiya prezidenti Vladimir Putin Türkiyə prezidenti Rəcəb Tayyib Ərdoğanla görüşdə bildirib ki, İdlibdə vəziyyət ağırlaşdığından bizim birbaşa müdaxilə etməyimizə ehtiyac yaranıb.

“Son günlərdə İdlibdə bir sıra hadisələr baş verdi. Suriyada həyatını itirən hərbçilərinizə görə baş sağlığı verirəm. Telefon danışığımızda ifadə etdiyim kimi, heç kim orada Türk hərbçisinin olduğunu bilmirdi. Suriya hərbçiləri arasında da itki olub. Bu hadisələri təkrarlanmaması və hər ikimizin də əhəmiyyət verdiyimiz əlaqələr zərər verməmək üçün görüşməyimizə ehtiyac var. Bu məsələləri təkbətək müzakirəyə başlayaq. Daha sonra zalda olanlar da qoşula bilər”, - deyə Vladimir Putin bildirib.

Türkiyə prezidenti Ərdoğan cavab nitqində deyib:

“Məlum bu görüşü Türkiyədə keçirəcəkdik. Sizin konstitusiya ilə bağlı fəaliyətinizə görə görüşü burada gerçəkləşdiririk. Təbii İdliblə bağlı müzakirələr səbəbi ilə bir araya gəlməyimizin əhəmiyyət böyükdür. Bölgədə sıxıntı böyüyür. Bu gün burada atacağımız addım, qəbul edəcəyimiz qərarlar, bölgəni də, ölkələrimizi də rahat edəcək. Türkiyə-Rusiya əlaqələrinin gərgin dönəminin yaşayırıq. İstər müdafiə sənayesi, istərsə də ticarət əlaqələrimizdə çox fərqli bir dövrü yaşayırıq”.

Reyting.az

Ana səhifəyə dön