Şeyxin terrorçu dəstəsi xüsusi təyyarə ilə müharibə bölgəsinə daşınır

Liviyaya Feldmarşal Xəlifə Haftar üçün vuruşan muzdlu döyüşçülər Birləşmiş Ərəb Əmirliklərinin (BƏƏ) vəliəhd Şahzadəsi Məhəmməd bin Ziyad tərəfindən xüsusi təyyarə ilə göndərilir.

Reyting.az xarici mediaya istinadla xəbər verir ki, şahzadənin təlimatı ilə sudanlı terrorçular Əl-Geneina hava limanından Liviyaya daşınır. Terrorçuların aylıq maaşı isə 1000 Sudan poundu və ya 22 ABŞ dollarıdır.

BMT-nin sabiq xüsusi məruzəçisi Riçard Falkın rəhbərlik etdiyi Avropa-Aralıq dənizi İnsan Haqları Rəsədxanası (Euro-Med) sənədlər və ifadələr əsasında xüsusi hesabatını yayıb.

Şeyxin terrorçu dəstəsi xüsusi təyyarə ilə müharibə bölgəsinə daşınır

Hesabatda qeyd olunur ki, Xəlifə Haftarın hərbi gücünün 50 faizi Sudandan gətirilən muzdlu əsgərlərdən ibarətdir və bu döyüşçüləri Liviyaya BƏƏ-nin təyyarələri daşıyır.

Feldmarşal Haftarı muzdlu döyüşçülərlə təmin edən Rusiya da bu ölkəyə iki fərqli şirkətlər vasitəsilə döyüşçülər daşıyır. Bunlardan biri məşhur Vaqner muzdluları, digəri Mərkəzi Təhlükəsizlik Agentliyi adlandırılan RSB şirkətidir.

Hesabatda iddia edilir ki, Vaqner və RSB xaricində Liviyada daha 2 min əsgər mövcuddur. BƏƏ-nin təmin etdiyi sudanlı muzdluların sayı isə 3 min civarındadır.

Haftar ordusunun mülki insanların haqlarını pozması hallarının olduğunu ifadə edən hesabatda qeyd edilir ki, Sudandakı BƏƏ səfirliyi 2019-cu ilin mayında Sudan Xarici İşlər Nazirliyinə məktub göndərib. Məktubda BƏƏ Silahlı Qüvvələrinə aid iki “C130” və “G17” təyyarəsi üçün Geneina hava limanlarından istifadə edilməsinə icazə istənilib. Sudanın qərbindəki hava limanı sudanlı muzdlu döyüşçüləri Liviyaya transfer etmək məqsədilə istifadə olunub. Və bu BƏƏ-nin Liviyada Haftar ordusunun törətdiyi insan haqları cinayətlərində məsuliyyət daşıdığını ortaya qoyur.

BƏƏ-nin sudanlı muzdlu döyüşçüləri və digər millətlərdən olan muzdlu savaşçıları Liviyaya göndərməsinin “biabırçı bir tədbir olduğunu” xatırladan hesabatda BMT mütəxəssisləri Liviyada hər gün baş verən cinayətləri araşdırmağa çağırılırlar.

Şeyxin terrorçu dəstəsi xüsusi təyyarə ilə müharibə bölgəsinə daşınır

Beynəlxalq tərəflərin qarşıdurmalarda məsuliyyətinin müəyyən edilməsinin vacibliyini önə çəkən hesabatda muzdlu əsgərlərin toparlanması ilə Beynəlxalq Razılaşmanın 5-ci maddəsinin pozulduğu xatırlanır. Əlavə olunur ki, 5-ci maddə dövlətlərin muzdlu döyüşçülər toplaması, istifadə etməsi, maliyyələşdirməsi və ya təlim keçməsinə qadağa qoyur.

Hesabatda Liviyada neft bölgələri və həbsxanalara qoruyan sudanlı muzdlu döyüşçülərin sayının 3 mindən az olmadığı , onların liviyalı mülki insanları öldürdüyü və sərhəddə qaçqın qaçaqmalçılığı həyata keçirdiyi qeyd edilir.

Bildirilir ki, Sudan BMT-nin silah sanksiyası və silahlı muzdlu əsgərlər haqda qərarını açıq pozur. Sudanlı dövlət rəsmisindən ifadə alan Avropa-Aralıq dənizi İnsan Haqları Rəsədxanası hesabatında qeyd edir ki, Liviyada Haftar qüvvəsinin 50 faizi sudandan gətirilən döyüşçülərdən ibarətdir: “Sənəd və ifadələr göstərir ki, sudanlı muzdlu döyüşçülər Haftar qüvvələrinə qatılmadığı halda həbs və xüsusi düşərgələrdə saxlanılır. Bu hala düşməmək üçün onlar Liviyada müharibə aparmaq məcburiyyətində qalırlar”.

Şeyxin terrorçu dəstəsi xüsusi təyyarə ilə müharibə bölgəsinə daşınır

Adı açıqlanmayan muzdlu döyüşçü ifadəsində qeyd edib ki, 25 nəfərlə birlikdə aylıq 1000 Sudan poundu (22 ABŞ dolları) qarşılığında Liviyaya gedib. Digər bir döyüşçü isə deyib ki, Tripoli uğrunda savaşda iştirak edib, bəzən iki aydan bir əməkhaqqı ala bilib.

Sonda hesabatda bəyan edilir ki, Haftarın paytaxt Tripoliyə qarşı başlatdığı hücum kampaniyası 1 milyon 200 min mülki insanın həyatını təhlükəyə atıb.

Reyting.az

Ana səhifəyə dön