ADP 28 namizədlə parlament seçkilərinə qatılacaq

Bu gün ADP İdarə Heyətinin növbəti toplantısı keçirilib.

Partiyadan Reyting.az-a verilən məlumata görə, İdarə Heyəti ölkədəki ictimai-siyasi vəzəyyət və qarşıdan gələn parlament seçkiləri ətrafında müzakirələr aparıb.

İdarə Heyəti ilk növbədə Rusiyanın Xarici İşlər Naziri S.Lavrovun keçən həftə Bakı səfərinin nəticələri və onun Dağlıq Qarabağ münaqişəsinin həlli ilə bağlı səsləndirdiyi bəyanata münasibət bildirib.

Partiya yetkililəri münaqişənin sülh və diplomatik yolla həlli və bu danışıqlarda Qarabağın erməni və azəraycanlı icmalarının iştirakının vacibliyi ilə bağlı S.Lavrovun səsləndirdiyi fikirlərə uyğun olaraq qeyd edib ki, Azərbaycan tərəfi münaqişənin sülh yolu ilə həlli istiqamətində beynəlxalq səylərini davam etdirməsinə baxmayaraq Ermənistan öz təcavüzkar siyasətindən hələ də əl çəkməyib və BMT-nin məlum qətnamələrini yerinə yetirmək istəmir.

Rusiyanın Ukraynada və Gürcüstanda işğalçı, ədalətsiz müharibə apardığı vaxtda Azərbaycanın öz torpaqlarını ədalətli müharibə yolu ilə azad edilməsi haqqına zidd gedilməsi Rusiyanın anoloji münaqişələrə ikili standartlarla yanaşdığını göstərir və Azərbaycan Ermənistanın məsələnin sülh yolu ilə həllindən imtina etdiyi sürəcdə öz torpaqlarını beynəlxalq hüququn ona verdiyi səlahiyyətlər daxilində hərbi yolla azad etmək ixtiyarını özündə saxlayır. Dağlıq Qarabağın erməni və azərbaycanlı icmalarının danışıqlar prosesində iştirakı məsələsinə gəldikdə isə ADP belə hesab edir ki, bu hal yalnız ölkəmizin suverenliyi, ərazi bütövlüyü və onun yurisdiksiyasına aid olan ərazilərdə siyasi iradəsinin diktəsi ilə həyata keçirilə bilər ki, bu da Azərbaycan XİN-nin ATƏT-ə təqdim etdiyi son sənəddə öz əksini geniş tapmışdır. ADP həmin sənəddə irəli sürülən müddəaların beynəlxalq hüquqa və Azərbaycanın haqlı maraqlarına uyğun olduğuna görə tam dəstəkləyir və hakimiyəti bu problemin dinc həlli istiqamətində bütün səylərdə həmin prinsipləri rəhbər tutmağa çağırır.

İdarə Heyəti həmçinin S.Lavrovun Bakı səfəri zamanı Xocalı soyqırımı abidəsini deyil, yalnız Şəhidlər Xiyabanını və Fəxri Xiyabanı ziyarət etməsi məsələsinə münasibət bildirib. ADP Dağlıq Qarabağ probleminin daim gündəmdə saxlanılması və bu qətliamın dünya xalqlarının diqqətinə çatdırılmasının xüsusi əhəmiyyətini nəzərə alaraq 20-ci əsrin ən dəhşətli soyqırımı olan Xocalı faciəsini anıt olaraq dövlət protokoluna daxil edilməsininin vacibliyini hakimiyyətin diqqətinə çatdırıb.

İdarə Heyəti 09 fevral 2020-ci il tarixdə keçirilməsi nəzərdə tutulan növbədənkənar parlament seçkilərində partiyanın iştirak məsələsini də müzakirə edib.

Müzakirələrin yekunu olaraq İdarə Heyəti partiyanın növbədənkənar parlament seçkilərində iştirakının məqsədə uyğun olduğunu bildirib və bu məsələ barədə müvafiq qərarın qəbul edilməsi üçün 11 dekabr 2019-cu il tarixində Ali Məclisin sessiyasının çağırılması qərara alınıb.

İdarə Heyəti həmçinin Ali Məclisə ilkin olaraq aşağıdakı şəxsləri ADP adından 09 fevral 2020-ci il tarixdə keçiriləcək növbədənkənar parlament seçkilərində müvafiq seçki dairələri üzrə namizədliklərinin irəli sürülməsini tövsiyyə edib:

1. 9 saylı Binəqədi ikinci - Taliyət Əliyev
2. 14 saylı Xəzər - Həsrət Rüstəmov
3. 15 saylı Yasamal birinci - Sərdar Cəlaloğlu
4. 17 saylı Yasamal üçüncü - Nazilə Soltanova
5. 21 saylı Nəsimi birinci - Bəhruz Məmmədov
6. 22 saylı Nəsimi ikinci - Rəşid Mənsurov
7. 24 saylı Nizami birinci - Nurəddin İsmayılov
8. 25 saylı Nizami ikinci - Vüqar Məmmədov
9. 26 saylı Sabunçu birinci - Eldəniz Xudiyev
10. 27 saylı Sabunçu ikinci - Nizami Məmmədzadə
11. 29 saylı Səbail - Sadiq Həsənov
12. 34 saylı Xətai ikinci - Zakir Hüseynov
13. 35 saylı Xətai üçüncü - İlham Şərifov
14. 41saylı Sumqayıt birinci - Qəşəm Abışov
15. 42 saylı Sumqayıt ikinci - Xaliddin Cangirov
16. 45 saylı Abşeron - Yaqub Xudiyev
17. 46 saylı Şirvan - Kamil İsayev
18. 47 saylı Mingəçevir - Əli Rəfiyev
19. 57 saylı Kürdəmir - Cəbrayıl Dünyamalıyev
20. 61 saylı Neftçala - Elton Sədiyarov
21. 66 saylı Biləsuvar - Mehman İsmayılov
22. 69 saylı Cəlilabad-Masallı-Biləsuvar - Daşqın Nuriyev
23. 71 saylı Masallı kənd - Natiq Eynullayev
24. 77 Astara şəhər - İlqar Qənbərov
25. 87 saylı Ağsu-İsmayıllı - Süleyman Məmmədov
26. 103 saylı Gədəbəy - Xaliq Sadıqov
27. 111 saylı Zaqatala-Balakən - Mübariz İsmayılov
28. 117 saylı Oğuz-Qəbələ - Əflatun Şərifov.

Ana səhifəyə dön