Ərdoğanın müşaviri: “Türkiyənin liderlik etdiyi əməliyyat bütün dünyanın xeyrinədir”

Türkiyə prezidenti Ərdoğanın PR xidmətinin rəhbəri Fahrettin Altunun “Washington Post” qəzetində məqaləsi dərc olunub.

Reyting.az sözügedən ABŞ nəşrinə istinadla xəbər verir ki, Altunun məqaləsində qeyd olunur:

"Türkiyənin Suriyanın şimal-şərqində, Türk vətəndaşlarına uzun zamandır yönələn bir təhdidi ortadan qaldırmaq və yerli xalqı, silahlı quldurların əlindən qurtarmaq istisna olmaqla, heç bir hədəfi yoxdur".

Məqalədə Ərdoğanla ABŞ prezidenti Donald Tramp arasında telefon söhbəti xatırladılır. "ABŞ səlahiyyətliləri illərdir terror təşkilatı PKK-nın Suriya qolu olan YPG ilə İŞİD-in qurduqları tərəfdaşlığın “taktiki” olduğu fikrini müdafiə edirdi. Amma Türkiyə, eynilə Birləşmiş Ştatlar çöldə canavarlar axtarmır”.

Türkiyənin, Suriyanın şimal-şərqində, Türk vətəndaşlarına uzun zamandır yönələn bir təhdidi ortadan qaldırmaq və yerli xalqı, silahlı quldurların əlindən qurtarmaq xaricində bir hədəfi olmadığını vurğulayan Altun məqaləsində qeyd edib:

"İŞİD-in hücumlarında onlarla vətəndaşını itirən Türkiyə Suriyaya terrorçularla mübarizə etmək üçün döyüş gücü göndərən ilk ölkə olub. Ölkəmiz, həmçinin “Azad Suriya Ordusu”na minlərlə İŞİD-çini dəmir barmaqlıqlar arxasında saxlamaq üçün dəstək verib. ABŞ-ın Suriyanın şimal-şərqinə çəkilməsi ilə İŞİD-in dirçəlməməsini təmin etmək Suriyanın qonşusu olan Türkiyənin xeyrinədir. ABŞ-ın qazanclarını qorumaq və tarixin təkrar etməməsini təmin etmək bizim mənfəətimizə uyğundur”.

Daha sonra Fahrettin Altun yazıb: “Yaxın günlərdə YPG silahlılarının bu lider dəyişikliyinə necə cavab verəcəyini görəcəyik. Əlbəttə ki, onların iki variantı var: həqiqətən İŞİD-lə mübarizə etmək istəyirlərsə, təxirə salmadan təslim olacaqlar. Yaxud türk əsgərləri ilə toqquşacağını söyləyən sözdə komandirləri dinləyəcəklər ki, bu da İŞİD-ə qarşı mübarizəmizi pozmağa mane olur. İŞİD ilə mübarizədə Türkiyənin liderlik etdiyi əməliyyatın müvəffəqiyyəti, bütün dünyanın xeyrinədir. İllərdir orada olan Amerika əsgərləri vətənə qayıdacaqlar. YPG tərəfindən sürgün edilən yerli xalq əcdadlarının torpaqlarına köç edəcək. Təhlükəsiz zona Avropa üçün də yaxşıdır. Çünki qanunsuz miqrasiya və radikallaşmanın kökündə dayanan zorakılıq və qeyri-sabitlik problemlərini həll edəcək. Son olaraq bu plan, Türkiyənin günahsız insanları bir terror təşkilatından qorumasını mümkün edəcək".

Müəllif sonda prezident Rəcəb Tayyib Ərdoğanın Türkiyənin "etibarlı bölgə" planının detallarını keçən ay Birləşmiş Millətlər Təşkilatının Baş Assableyasında açıqladığını xatırladıb: “Təhlükəsiz zonada təhlükəsizlik və sabitliyi təmin etmək üçün Suriyanın şimalındakı təcrübəmizdən faydalanacağıq. İnanırıq ki, ən yaxşı həll yolu Suriya xalqının özlərini seçilmiş yerli məclislər vasitəsilə idarə etməsidir. İŞİD-in yenidən ortaya çıxmasının qarşısını almaq üçün yerli siyasi nümayəndəliyi dəstəkləmək və gücləndirmək çox vacibdir. Əslində, kürdlərin çox olduğu bölgələrdə kürdlərin üstünlük təşkil etdiyi yerli idarələrin qurulmasını təmin etdik. Suriyanın şimal-şərqində kürdlərin çox olduğu yerlərdə bu vəziyyət dəyişməyəcək. Məqsədimiz bu addımları beynəlxalq infrastruktur sərmayələri hesabına qurulacaq məktəblər, xəstəxanalar və mənzil layihələri ilə bağlamaqdır".

Reyting.az

Ana səhifəyə dön