CEPA: “Avropa İttifaqı Ukraynaya qoşun yeritməlidir”

Fevralın 26-da Fransa prezidenti Emmanuel Makron bildirib ki, avropalılar Ukraynaya qoşun yeridə bilər. Bu ideya bir sıra ölkələrdə tənqid olunsa da, Avropa liderləri bir məsələdə konsensusa gəlir: Rusiyanın qələbəsi hamı üçün ciddi məğlubiyyət olacaq!

Reyting.az-ın xəbərinə görə, Avropa Siyasət Təhlili Mərkəzi (CEPA) bildirir ki, silah tədarükü səngiməkdə davam edərsə, Ukrayna üçün məğlubiyyət riski realdır və Avropa İttifaqı (Aİ) liderləri indi Ukraynaya qoşun yeritməklə strateji muxtariyyətlə bağlı öz baxışlarını həyata keçirməlidirlər.

“Aİ-nin istənilən qüvvəsi Ukrayna bölmələrinə cəbhədə döyüş gücünü artırmağa kömək edəcək. Passiv dəstək aktivlərini Polşa və Rumıniyaya yerləşdirməkdənsə, Ukrayna logistikasında islahatlar aparmağa və texniki xidməti cəbhə xəttinə daha yaxın yerləşdirməyə imkan verəcək”,- ekspertlər qeyd edirlər.

Eyni zamanda, daha aktiv missiyalara sərhəd təhlükəsizliyi, böyük şəhərlərin və ya Dneprin qərb hissəsinin hava hücumundan müdafiə zonalarının mühafizəsi daxil ola bilər. Məqalə müəllifləri hesab edirlər ki, bu cür hərəkətlər Rusiyanın Belarusdan daha bir cəbhə açmasına mane olar, Ukraynanın mülki əhalisinə və kritik infrastruktura qarşı qanadlı raketlər və dronların hücumlarını dayandırar.

“Aİ qoşunlarının istənilən yeridilməsi Moskva və Vaşinqtona bunun ciddi qəbul edilməli olan qüvvə olduğuna dair güclü siqnal verəcək. Təbii ki, hərbi qüvvələrdən istifadə Putinə Aİ əməliyyatlarının eskalator olmayacağına dair aydın mesajı tələb edəcək. Aİ qüvvələri yalnız müdafiə əməliyyatları aparacaq”, - materialda deyilir.

Qeyd olunur ki, Aİ-nin Ukrayna ərazisində hərbi əməliyyatı ciddi nəticələr verə bilər:

“Birincisi, Aİ-nin strateji muxtariyyəti müstəqil və demokratik Ukraynanı hərbi yolla müdafiə etməyə hazır olduğunu nümayiş etdirəcək. Aİ-nin belə bir müdafiə qüvvəsi blokun rolunu və dəyərini qanuniləşdirəcək, çünki onun əsas məqsədi mülki şəxsləri və infrastrukturu qorumaq olacaq.

İkincisi, Haaqadakı Beynəlxalq Cinayət Məhkəməsi (ICC) Rusiyanın mülki infrastruktura hücumlarını müharibə cinayəti kimi araşdırır. Humanitar və hüquqi mövqe başadüşüləndir, çünki Aİ qüvvələri hücumların qarşısını alacaq və Aİ hava hücumundan müdafiə batareyaları Ukraynanın böyük şəhərlərini Rusiyanın qanadlı raketlərindən və pilotsuz təyyarələrindən qoruya bilər.

Üçüncüsü, Aİ-nin artıq 40 min Ukrayna əsgərinin hazırlanması və təchiz edilməsi üçün Ukraynaya Dəstək Hərbi Missiyasının (EUMAM-Ukrayna) fəaliyyət göstərdiyini nəzərə alsaq, Aİ bayrağı altında olan qüvvələrin Ukraynaya köçürülməsi təlimin keyfiyyətini artıracaq. Xüsusilə, bu, Aİ məsləhətçilərinə və təlimçilərinə Ukrayna TTP-nə (taktika, texnika, prosedur) əməl etməyə imkan verəcək”.

Ekspertlərin sözlərinə görə, Ukrayna hərbi və təhlükəsizlik qüvvələri, hər şeydən əvvəl, Rusiyanın Belarusdan növbəti işğalı ehtimalından müdafiə üçün yayılıb: “Aİ qüvvələrinin bu sərhəd bölgələrində yerləşdirilməsi Ukraynaya öz resurslarını və şəxsi heyətini birbaşa şərq təmas xəttinə yerləşdirməyə imkan verəcək. AB-nin bu cür müdafiə qüvvələri EUMAM döyüş missiyalarını hazırlamaq və yerinə yetirmək üçün 20-dən çox Ukrayna briqadasını azad edəcək”.

Ekspertlərin fikrincə, Aİ strateji muxtariyyət əldə etməyə və Ukraynanın azad və müstəqil qalmasını təmin etməyə çalışırsa, o zaman Rusiyanın Ukraynanı hərbi cəhətdən məğlub etməməsini təmin etmək Avropanın həyati maraqlarından biridir. Nəhayət, Aİ Ukraynaya öz müdafiə qüvvələrini göndərməklə ərazilərin imperiya zəbtini dayandırmaq imkanına malikdir.

“Aydındır ki, Ukraynada hər hansı Aİ qüvvələrinin olması risklə bağlıdır, lakin Putin riskdən yayınmağa çalışır. Aİ blokun ordusunun itki verə biləcəyi qorxusu ilə onun iflic vəziyyətinə düşməsinə icazə verə bilməz. Bu, sırf müdafiə xarakterli olacaq. Yəni Avropa qitəsində suverenliyi və sülhü qorumaq missiyası üçün”, - deyə ekspertlər yekunlaşdırıblar.

E. KAMAL

Ana səhifəyə dön