Mühafizəkar siyasətçilər Rusiyanın dağılmasını təklif edirlər

Mart ayında Rusiyada keçiriləcək prezident seçkiləri əsl rəqabətli seçki olmayacaq. Çünki hər bir rusiyalı seçici hazırkı prezident Vladimir Putinin qalib gələcəyini əvvəlcədən bilir. Bununla belə, bu ritual ölkənin siyasi sisteminin dörd aspektinə - riyakarlıq, təqib, vulqarlıq və sui-qəsd nəzəriyyələrinə faydalı işıq salacaq.

Reyting.az xəbər verir ki, belə iddia ilə “Financial Times” nəşri çıxış edib.

Britaniya nəşri xatırladır ki, daha altı illik prezidentlik müddəti Putinin 2030-cu ilə qədər Rusiyanı idarə etmək anlamına gələcək. Beləcə, ölkəsinə 30 il rəhbərlik etməklə Putin 1924-1953-cü illərdə SSRİ-yə rəhbərlik edən İosif Stalindən qabağa keçəcək.

Lakin seçkinin məqsədi sadəcə oktyabrda 71 yaşı tamam olan Putinin tam nəzarətdə olduğunu nümayiş etdirmək, hətta Ukraynanı fəth etmək üçün müharibəsini qanuniləşdirmək deyil. Rusları nəticəsi məlum olmayan səsvermədə iştirak etməyə məcbur etməklə, hakimiyyət aparatı göstərmək göstərmək istəyir ki, Putinin avtokratiyası susqun razılığa, daha doğrusu, xalqın fəal dəstəyinə əsaslanır.

Nəşr qeyd edir ki, Rusiyada seçki riyakarlığı ilə birlikdə repressiya da gəlir. Məqalədə keçən ilin sonunda bir neçə həftə gözdən itən və həbsdə olan Aleksey Navalnı misal gətirilir və xatırlanır ki, müxalifətçi Navalnı qəfildən Arktika Dairəsinin üstündəki cəzaçəkmə koloniyasında yenidən peyda olub.

“Putin dövründə Rusiya siyasi mədəniyyətinin üçüncü xüsusiyyəti rəsmi dairələrdə ədəbsiz sözlərdən və təsvirlərdən kobud şəkildə istifadə edilməsidir. Çar Rusiyasında və sovet dönəminin çox hissəsində senzura və puritanizm adi hal idi. Putin ölkədə yeni çalar yaratdı. 1999-cu ildə prezidentliyə qoşulmazdan bir müddət əvvəl, çeçen üsyançılarını məhv edəcəyinə söz verəndə: “Onları tualetdə tutsaq, tualetdə islatacağıq”,- dedi”, - nəşr xatırladır.

Bundan əlavə, müəlliflər iddia edirlər ki, Putin Rusiyası sui-qəsd nəzəriyyələri ilə doludur: “Ən qəribələrindən birini keçən il Putinin Rusiya Təhlükəsizlik Şurasının katibi Nikolay Patruşev səsləndirdi. O, iddia etdi ki, ABŞ Rusiyanın Ukraynada məğlub olmasına çalışır, çünki amerikalılar Vayominqdəki Yellovstone Kaldera super vulkanının püskürməsindən qorxurdular. Şərqi Avropa və Sibirə köçməyə çalışırdılar”, - materialda deyilir.

Nəşr əlavə edib ki, bütün bu cür ideyalar üçün ümumi olan “Qərbin Rusiyanı bir ölkə kimi məhv etməyə çalışdığı” iddiası vacibdir: “Bu, əlbəttə ki, Qərbin rəsmi siyasəti deyil. Lakin ABŞ-da, Mərkəzi və Şərqi Avropada bəzi mühafizəkar siyasətçilər Rusiyanın dağılmasını təklif edirlər - bu, 1917-ci ildə çar imperiyasının süqutu və 1991-ci ildə Sovet İttifaqının dağılmasından sonra üçüncü aktdır”,- deyə nəşri yekunlaşdırır.

V. QULİYEV

Ana səhifəyə dön