Sui-qəsdin təfərrüatları böyük sirrin üstünü açır

Livanın paytaxtı Beyrutda HƏMAS-ın iki nömrəli üzvü Salih Arurinin öldürülməsinin təfərrüatları aydınlaşır.

Reyting.az-ın xəbərinə görə, Livanda nəşr olunan “Əl-Əhbar” yazır ki, Aruri dron hücumu ilə deyil, qırıcı təyyarələrin bombardmanı nəticəsində həyatını itirib.

Nəşr qeyd edib ki, hazırda Livanın istintaq qrupu təhlükəsizlik pozuntusunu araşdırır. Qeyd olunur ki, “Hizbullah”ın qalası olan Dahiyedə bir mənzildə Arurinin raketlərlə vurulması İsrail tarixindəki 2700 sui-qəsddən biridir.

Qəzet Beyrut sui-qəsdinin genişləndiyini bildirir. İddia olunur ki, S. Arurinin raketlərlə hədəfə alınması İran İnqilabı Keşikçiləri Korpusunun suriyalı rəhbəri Rza Musəvinin 2023-cü ilin son günlərində Dəməşqdə öldürülməsinin davamıdır.

Qeyd olunur ki, HƏMAS-ın siyasi ofisinin rəhbərinin müavini Aruri və Qəssam briqadalarının komandirləri vurulduğu zaman Aralıq dənizi üzərində İsrail döyüş təyyarələri ilə yanaşı, Beyrut səmasında silahlı pilotsuz uçuş aparatları da olub. Hər iki reaktiv təyyarənin radarda olduğu bildirilir. Hər iki pilotsuz uçan aparatının göründüyünü yazan qəzet iddia edir ki, hücumda istifadə olunan raketlər yüksək partlayıcı maddələr daşıyıb və məqsəd Salih Aruri və digər HƏMAS komandirlərini öldürmək olub.

“Hizbullah”ın qalası olan Dahiyədə yerləşən HƏMAS ofisinin uzun müddətdir istifadə edildiyi və İsrailin bunu bildiyini qeyd edən “Əl-Əhbar”ın yazdığına görə, son illərdə ələ keçirilən agentlərdən binanı izləndiyinə dair informasiyalar əldə olunub.

Livan qəzetinin xəbərinə görə, oktyabrın 7-də baş verən hücumdan sonra sözügedən ofis boşaldılsa da, Aruri bu ofisdən yanvarın 2-də yenidən istifadə etməyə başlayıb və orada öldürülüb. Bundan əvvəl isə Salih Aruri bir neçə günlük səyahətdən sonra Beyruta qayıdıb. Buna qədər o, iki ölkədə səfərdə olub.

Nəşr hücumdan dərhal sonra Livan kəşfiyyatının hadisə yerinə çatmamış “Hizbullah”ın təhlükəsizlik kordonunun bağlandığını bildirib. Qəzet mənzildə HƏMAS-la bağlı sənəd və əşyaların olduğunu yazıb və əlavə edib ki, “Hizbullah” bu yaxınlarda S. Aruriyə izlənildiyi barədə xəbərdarlıq edibmiş.

“Əl-Cəzirə” telekanalına danışan akademik Sultan Bərəkətin sözlərinə görə, Beyrutdakı sui-qəsd Pandoranın qutusunu açır. Qətərdəki HƏMAS bin Xəlifə Universitetinin professoru Bərəkətin fikrincə, ABŞ Milli Təhlükəsizlik Şurasının sözçüsü Con Kirbinin hərbi zərbələrin HƏMAS-ın ideologiyasını aradan qaldıra bilməyəcəyi barədə açıqlaması mühüm addımdır. Ancaq Bərəkətin sözlərinə görə, Kirbi Aruriyə necə sui-qəsd edildiyinə dair açıqlama verməyib. Sui-qəsdin Qəzzanın çox kənarında-qonşu suveren ölkədə baş verdiyini xatırladan professor artıq Pandora qutusunun açılacağını bildirib.

E. KAMAL

Ana səhifəyə dön