Yeni "Avatar 3" filminin təqdimatı bitdikdən sonra amerikalı məşhur kinorejissor Ceyms Kemeron müəllifi olduğu kult ekran əsəri "Terminator"un yeni bölümünü lentə alacağını təsdiqləyib.

Reyting.az-ın məlumatına görə, C. Kemeron "Gizmodo" nəşrinə deyib ki, yeni çəkəcəyi film üçün çoxlu qeydlər də toplayıb və artıq ssenari üzərində işləməyə başlayıb.

Kemeron vurğulayıb ki, hazırda sürətlə inkişafda olan texnologiyalar fonunda gələcəyi təsəvvür etmək əvvəlkindən daha da çətindir, çünki "elm-fantastika reallığa çevrilib”. Bununla belə, ruhdan düşməyən Hollivudun kino ulduzu bildirib ki, yeni "Terminator"la filmə əvvəlki gücünü qaytarmaq istəyir.

C. Kemeron tezliklə lentə alınacaq yeni "Terminator"un süjet detallarını açıqlamaq istəməyib.

Oqtay QORÇU