“Şöhrət” ordeni ilə təltif olunanda Ulu Öndər Heydər Əliyev mənə məktub yazdı. O özü də çıxışında dedi ki, “Niyaməddin Musayevin 60 illik yubileyini təbrik etdim və ona məktub göndərdim”. Məktubda da yazırdı ki, milli estradanın təməlini qoyan bir navator, bir bəstəkar, bir sənətkar kimi sizi təltif edirəm. Bu, Ulu Öndərin mənə verdiyi qiymət idi. Bütün orden və medallarla təltif olunmuşam. Dövlət mənə hər cür diqqət göstərir”.

Reyting.az xəbər verir ki, bunu Moderator.az-a açıqlamasında Xalq artisti Niyaməddin Musayev deyib.

O daha sonra əlavə edib:

“Biri var ifaçı, biri də var yaradıcı ifaçı. Dünyanın hər yerində mənim nəğmələrimi ifa edirlər. Hətta zəncilər də ifa edir. İspan, ərəb, inglis dilində mahnılarımı oxuyanlar var. Bu bizim Azərbaycan mədəniyyətinin təbliğatıdır. Bundan gözəl nə ola bilər ki? Mən bəstələdiyim mahnını satmıram. Ayıbdır, adam öz sənətini satarmı? O yutub baxışından pul gəlir. Əqli Mülkiyyət Agentliyi qonorarımı göndərir. Bu bir qayda olaraq belədir. Mən həm xalqımıza minnətdaram, həm də millətimizə”.

Niyaməddin Musayev paytaxtdan kənarda yaşamasında da danışıb:

“Əhmədlidə yaşayıram. Cənab prezident şəhərin mərkəzində mənə ev vermişdi. Uşaqlara görə evi dəyişdim ki, övladlarıma yaxın olum, qonşu olum. Çünki onların hər biri Əhmədlidə yaşayırlar. Ona görə mərkəzdən uzaqda oluram”, - deyə sənətkar bildirib.