Dahi Tolstoy "xoşbəxtlik arzulayıram" sözünün əleyhinə olub

Yeni il ərəfəsində xoşbəxtlik arzulamağın düzgün olmadığı iddia edən və bunu bir məktubda izah etməyə çalışan ilk şəxs dünya şöhrətli mütəfəkkir, böyük rus yazıçısı Lev Tolstoy olub.

Qeyd edək ki, insanlar Yeni ildə bir-birini təbrik etməyə öyrəşiblər. Adamlar demək olar ki, daima bayram ərəfəsində sevdiklərini, həmçinin dostlarını, hətta onlara uzaq olan və çətinliklə tanıdıqlarını da təbrik edir, onlara xoşbəxtlik arzulayırlar.

Reyting.az xəbər verir ki, məşhur rus yazıçısı, "Hərb və sülh" epopeyasının müəllifi Qraf Lev Tolstoyun başqalarından fərqli olaraq, bu anlayışa, xüsusən də Yeni il təbrikləri kontekstində ünvanlanan arzu-diləklərə özünəməxsus münasibət bəsləyib. Bu yanaşma dahi rus yazıçısının xalasına yazdığı bir məktubda, həmçinin onu Yeni il bayramı münasibəti ilə təbrik edəndə də nəzərə çarpır. Böyük yazıçı yazırdı:

"Əlvida, əziz, mehriban xala, əllərinizdən min dəfə öpürəm və sizi bir daha Yeni il münasibətilə təbrik edirəm, xoşbəxtlik deyil ("xoşbəxtlik" kəlməsi heç bir məna daşımır), amma arzu edirəm ki, gələn il sizə də düşərli olsun. Yeni kədərlər deyil, əksinə, heç vaxt yaşamadığınız təsəllilər ilə. Əsas da odur ki, siz sağlamsınız və heç bir şey sizi narahat etməsin. Allah bilir ki, bu il səni görmək xoşbəxtliyini bir də yaşayacammı?.. Çünki xidmət, həm də maliyyə məsələləri mənim işimə müdaxilə edə bilər. Bu məsələ isə iyul ayına qədər aydınlaşacaq. Hər halda, çalışacağam. Həmişə "Planlar qurmamalısan",- deyirsən, haqlısan da".

Daha sonra Lev Tolstoy yazırdı: "Niyə hər şeyin 20 dəfə yaxşıya və yaxud da pisliyə dəyişə biləcəyi halda proqnozlar vermək lazımdır".

Məlum olur ki, yazıçı Tolstoy "xoşbəxtlik" sözünün mənasını sözün əsl mənasında tamamilə şübhə altına alır, onun əslində əsl mənası olmadığını və heç bir məna daşımadığını iddia edirdi. Bunun əvəzinə Tolstoy xalasına təsəlli verir və can sağlığı arzulayır.

Klassikin fikrincə, xoşbəxtlik universal müsbət emosiyalar və ya bəxtəvər hallar toplusu deyil, əksinə, daha çox daxili sülh və harmoniya vəziyyətidir.

Tolstoy insanlara üz tutub onları gələcək həyatlarında planlar qurmamağa çağırır, çünki ədibin fikrincə, həyat sürprizlərlə doludur, üstəlik, bu gün xoşbəxtlik kimi görünənlər də sabah acıya çevrilə bilər.

Beləliklə, dahi rus yazıçısı Yeni il arzularına yanaşması məlum olur.

Reallığa uyğun olaraq, əslində, əsl rifahın daimi xoşbəxtlik axtarışlarında yox, sadə sevincləri qiymətləndirməklə və eləcə də həyat çətinliklərinin öhdəsindən gəlmək kimi qiymətləndirən dahi ədib çox fərqli mövqe nümayiş etdirib.

Dahi yazıçı Lev Tolstoya görə, "xoşbəxtlik arzulayıram" sözünün əvəzinə və bayram təbriki kimi insana təsəlli vermək daha düzgündür.

Oqtay QORÇU

Ana səhifəyə dön