Məşhur rejissor hələ ekrana çıxmayan filminin təbliğatına başlayıb

Dünya şöhrətli amerikalı rejissor, bir çox döyüş, eləcə də fantastik janrda çəkilmiş filmlərin müəllifi Ceyms Kemeronun son vaxtlar öz məhşur layihəsindən, "Terminator"-un bölümlərindən danışması yeni filmin ortaya çıxacağından xəbər verir.

Reyting.az-ın məlumatına görə, "Terminator: qaranlıq talelər" filmi əlillər, eləcə də qocalar üçün çəkilib və heç vaxt öz yaradıcılığında belə bir maraqlı nüansı gizlətməyə çalışmayan C. Kemeron hələ də gördüyü işlə fəxr edir.

"Skydance" nəşrinin yazdığına görə, müxtəlif illərdə, müxtəlif fasilələrlə keçirilmiş bəzi sorğularda iştirak edənlərin əksəriyyət belə fikirdədir ki, "Terminator" seriyasında cəmi iki əsas layiqli bölüm var - birinci hissə və davamı! Həm də hər iki filmin rejissoru Ceyms Kemerondur, ancaq baxış bucağı, süjetlər fərqlidir.

Məsələ burasındadır ki, bu filmin mövzusu və ekran dili ilə bağlı söhbətlər səngimir, əksinə, bu dəfə kult franşizasının son epizodu da yenidən diqqət cəlb edib. Və diqqət yenə həmin bölümə "Terminator: qaranlıq talelər"-ə yönəlib.

Bu filmdə Kemeron iştirakını danmır, həm də etiraf edir ki, baxımlı olması üçün yeni seriyanın uğurlu alınması naminə əlindən gələni edib. Lakin bütün edilən cəhdlərə baxmayaraq, filmi fanatların qəzəbindən, hətta gözləniləndən də cüzi gəlir gətirən kassadan xilas etmək mümkün olmayıb.

Rejissor bildirib ki, əslində "Qaranlıq talelər" bir keçid rolunu oynamalı, "Qiyamət günü" filminin rəsmi davamı kimi özündən əvvəl çəkilən bütün "Terminator"-ları, "Maşınların qiyamı"-nı, "Xilaskar gəlsin!" bölümünü, müqayisədə daha maraqla baxılan "Genezis"i belə yaxşı mənada geridə qoymalı idi. Amma onun bu seriallarla bağlı istəyi baş tutmayıb və bütün bunların əvəzində C. Kemeron yeni trilogiya üçün planlarını qismən ləğv edəndən sonra yenidən Hollivudun finiş xəttinə dönüb. O, "Terminator" serialları ilə bağlı daha geniş, daha orijinal, həmçinin material baxımından daha keyfiyyətli olacaq böyük planını nəhayət işə salmaq qərarına gəlib.

Amma şöhrətli rejissor bununla belə heç də altıncı hissəni bədii uğursuzluq hesab etmir:

"Ümumiyyətlə, hər nəsnəni, hətta kiçik detalları da nəzərə almadıq və nəticədə hər şeyi səhv hesabladıq. Ancaq mən onu da xatırladım ki, bu filmə sonda yenə çox maraqla baxıldı, çünki material olaraq bir döyüş filmi vardı ortalıqda. Bununla belə, mən hələ də qiymətimi yaxşı bilirəm, həm də mövqeyimdə qalıram. Mənim rejissoru olduğum belə bir baxımlı film haqqında pis rəyə düşməyim mümkün deyil. Bilirlər ki, həmişə demişəm və indinin özündə də əminliklə və təkrar söyləyirəm, mövzu artıq bağlanıb, çünki "Terminator: qaranlıq talelər" filmim səviyyəsinə görə layiq olduğu üçüncü yeri qazanıb".

Kinorejissorlar qrupu xüsusilə də Qabriel Lunanın ifa etdiyi, yeni obrazda ekranda görsənən, həm də öz dinamik plastikası ilə cəlb edən, daha müasir bir model kimi tanınan "Terminator"-la uğur qazanıb.

Deyilənlərlə razılaşan Kemeron bildirib ki, "Terminator Rev-9" həqiqətən də qeyri-adi idi. "Biz həqiqətən də o vaxtlar üçün bundan daha yaxşı nəsə edə bilməzdik. Və yenə də ortalığa bir sual çıxır ki, sonra nə baş verdi, axı kim səhv etdi? Mən belə böyük layihə ilə və işimlə bağlı kimsəni suçlayan deyiləm", - söyləyən məhşur rejissor etiraf edib ki, bütün günahlar özündədir.

Kemeron bu günahların nə olduğunu da açıqlayıb: "Söhbət ondan getmir ki, bizim filmimiz kassaya işləməyib. Fakt budur ki, tamaşaçılar filmi görməyə gəlmədilər və beləcə, məyusluq yarandı. Üstəlik, mən rejissor Tim Millerə dəfələrlə dedim ki, ssenarini yazmağa başlamazdan, həm də bir səhnəni çəkməzdən əvvəl bu filmi torpeda edən mən olmuşam. Əslində hər kəs mənimlə hesablaşmalı idi, amma bu baş vermir və filmdəki orijinal hissələrin direktoruna görə, o, "öz məhsuluna aludə olur". Və beləliklə, biz komanda olaraq məqsədimizə çatdıq. Təsəvvür eləyirsiniz, tamaşaçıları artıq ölmüş, təqaüdə çıxmış, əlil olmuş və yaxud artıq dəli olmuş filmin aydın, ənənəvi bir davamını çəkdilər. Lentimizdə yeni tamaşaçıların tutacağı, həmçinin də maraq oyadan heç nə yox idi. Amma eybi yoxdur, indi də Kemeron yeni nəsil üçün yeni "Terminator"-u hazırlayır, əlil və qocaların isə buna ehtiyacı olmayacaq".

Rejissor C. Kemeron yaxın gələcəkdə ekranlara çıxacaq "Terminator"-un tam fərqli və orijinal bir ekran əsəri olacağını söyləyib.

Oqtay QORÇU

Ana səhifəyə dön