Naməlum sivilizasiya tapılıb - 5000-dən çox yaşı var

Peruda naməlum sivilizasiya tərəfindən tikilmiş, quruluşuna görə İnka sivilizasiyasından daha qədim bir məbəd tapılıb.

Reyting.az-ın xəbərinə görə, Perunun Mədəniyyət Nazirliyi bildirir ki, arxeoloqlar Çiklayo yaxınlığında çox qədim bir tarixə malik naməlum məbəd aşkar ediblər. Bu tikili bizim eradan 5000 il öncə, hətta sirli İnka sivilizasiyasının yaranmasından da əvvəl inşa olunub.

Qeyd edək ki, ispanlar Perunu işğal etməzdən əvvəl İnka mədəniyyəti özünəməxsus ənənələri və fərqli mədəniyyəti sayəsində görkəmli memarlıq nailiyyətləri ilə məhşurlaşıb. Qədim dövrə aid İnka sivilizasiyasının formalaşdırdığı bu qeyri-adi mədəniyyət And dağlarına qədər, xüsusilə də uzaqlarda, lap yüksək dağlarda yerləşən Maçu Pikçuda, həm də paytaxt Kuskoda ərazilərinə yayılmaqla daha sürətlə təsirini artırıb.

Yeni üzə çıxmış bu naməlum sivilizasiyaya qədər müxtəlif mədəniyyətlərin təsiri ilə mərhələlərlə hansı tarixi proseslərin baş verdiyini qısaca anlatmağa çalışan alim Miami Herald yazır ki, İnka sivilizasiyasının yaranmasından çox əvvəl başqa, daha qədim mədəniyyətlərin varisləri də bu bölgələrdə oturaq toplum olaraq öz missiyalarını yerinə yetiriblər. Məhz elə onların sayəsində həmin dövrlər üçün yeni olan adət-ənənələr ortaya çıxıb və bu sivilizasiyanın nümayəndələri ayaq basdıqları ərazilərə həm də quruculuqda yenilik hesab edilən memarlıq peşəsinin sirlərini gətirməklə o dövrlərdə mənimsədikləri qədim mədəniyyətlərin sintezini, ortaq mədəniyyət yaradıblar.

Məlumata görə, hazırda Çiklayo yaxınlığındakı Los Paredones de la Otra Banda - Las Animas adlı arxeoloji kompleksində arxeoloqlar yeni tapılmış bu qədim dini abidənin digər qalıqlarını da bir neçə gün əvvəl tamamilə toplayıb aşkar ediblər. Məbədin 5000 il yaşı olduğu təxmin edilsə də, digər alimlərin fikrincə, tikilinin tarixi daha qədimdir. Məbəd böyükdür və divarları da sıxılmış gildəndir.

Bu qədim abidənin səhnəsinə və yaxud da platformaya aparan mərkəzi pilləkən daxildir. Tapıntılar arasında insan, quş və pişik, həmçinin də sürünən elementlərini birləşdirən antropomorfik relyef də var.

Tədqiqatçılar arxeoloji qazıntılar aparılan bu qədim məkanın müxtəlif rituallar, həm də toplum içində xüsusi mərasimlər üçün istifadə edildiyini, bütün bunların hələ də məbəd divarlarının birində göründüyünü və həkk edilmiş həmin rəngarəng rəsmin dəlil kimi sübut edildiyini irəli sürürlər.

Aparılan arxeoloji qazıntılar zamanı yaxınlıqdakı başqa bir mərasim məbədi də aşkar edilib ki, bu da bizim eradan öncə 600-700-cü illərin son Moçe dövrünə aiddir. Bu məbəd də dayaqları olan böyük pilləli platformaya malikdir. Bundan əlavə, yeni tapılan digər məbəddə aparılan arxeoloji qazıntılar zamanı tədqiqatçılar 5 və ya 6 yaş arasında olduğu təxmin edilən, eləcə də daha sonrakı dövrə aid olan kiçik yaşlı uşağın qalıqlarını da tapıblar.

Oqtay QORÇU

Ana səhifəyə dön