Şvartseneqqer: “Bizi aldadırlar, konkret tədbirlərə əl atmağın vaxtı çatıb”

Hollivud ulduzu, aktyor və siyasətçi Arnold Şvartseneqqer iqlimin mühafizəsi üçün tezliklə ciddi fəaliyyətə başlamağı və qan tökülməsinin qarşısını almağı tələb edir.

Reyting.az-ın məlumatına görə, bir müddət əvvəl ekranlara çıxmış, hətta növbəti bölümü ilə daha böyük uğura imza atacağı iddia edilən "Fubara" komediya filminin baş qəhrəmanı olan kino ulduzu ətraf mühiti qorumaq və iqlim dəyişikliyi mövzusunda danışarkən deyib ki, onları aldadırlar, konkret tədbirlərə əl atmağın vaxtı çatıb.

Onun sözlərinə sözlərinə görə, indiyədək dövlətlərin, hakimiyyətlərin və bir çox beynəlxalq qurumların ünvanına dəfələrlə edilən müraciətlərə, çağırışlara, bütün səylərə baxmayaraq hələ də sevindirici nəticə yoxdur. Məhşur kino aktyoru ləngimədən tez hərəkətə keçmək istəyənləri dəstəklədiyini və təmiz hava naminə görüləcək xeyirxah işləri müdafiə edəcəyini söyləyib.

Hollivud ulduzunu narahat edən əsas məsələ artıq qlobal problemə çevrilmiş iqlim dəyişikliyidir. "Terminator" və "Fubara" kimi baxımlı, həmçinin də gəlirli filmlərin amerikalı kino ulduzu artıq xeyli vaxtdır ki, müzakirə edilən, bu mövzuda danışılanları "Boş söhbətlər" adlandırıb.

Şvartseneqqer yalançı vədlərin və mənasız söhbətlərin əvəzinə gecikmədən qlobal əhəmiyyət daşıyan konkret, eləcə də hər bir dövlət, hər bir vətəndaş üçün keçərli olan qərarların qəbulu və iqlim dəyişikliyi ilə bağlı dərhal əməli işə keçməyi israrla tələb edib.

76 yaşlı ulduz aktyor və ictimai-siyasi xadim A. Şvartseneqqer 2017-ci ildən bəri keçirilən, həmçinin özünün təşəbbüsü ilə reallaşan illik Avstriya Dünya Sammitində "Bizə lazım olan tək şey hərəkətdir",- deyib:

"Nəhayət ki, ətraf mühitin çirklənmədən azad olmasını arzu edən bir dünya görüşü baş tutdu".

Avstriyanın Hofburq şəhərində keçirilmiş tədbirin əsas aparıcısı Şvartseneqqer bildirib ki, konfrans iqlim dəyişikliyi ilə bağlı konkret həll yollarını tapmağı qarşısına məqsəd qoyub.

"Fubar" adlanan, yeni istehsala çıxarılan aksiya komediyasının ikinci mövsümünün tarixi hələ açıqlanmasa da, məlum olub ki, bu filmin istehsalına 2024-cü ilin aprelində başlanılıb. Filmdə qoyulan əsas məsələlərdən biri də daima süjeti təqib edən, bu mövzu ilə bağlı çox ciddi mesajlar verən, artıq təhlükə olaraq qlobal narahatlığa çevrilmiş ətraf mühit və iqlim dəyişikliyi problemidir.

Hollivud ulduzunun baş rolda çəkildiyi yeni "Fubar-2" filmində tanınmış aktrisa Kerri-Ann Moss da çəkiləcək. Moss bu ekran əsərində baş rolu oynayan Şvartseneqqerin keçmiş sevgilisi rolunu canlandıracaq.

Oqtay QORÇU

Ana səhifəyə dön