“Mossad”ın yeni əməliyyatı: Malayziyada adam oğurluğu

İsrailin kəşfiyyat agentləri HƏMAS üzvlərinə qarşı dünya miqyasında apardıqları müharibədə yenidən Malayziya ərazisini seçiblər. Lakin onlar öz taktikalarını elə uyğunlaşdırıblar ki, iştiraklarından əsər-əlamət qalmasın. Malayziyada HƏMAS üzvlərini ovlamaqda kömək etmək üçün sionistlər yerli aktivləri işə cəlb ediblər.

Reyting.az xəbər verir ki, bu barədə “New Strait Times” yazıb.

Malayziya nəşrinin təhlilində qeyd olunur:

Bu yaxınlarda “Mossad” agentləri malayziyalıları HƏMAS-ın “Əl-Qəssam Briqadası”nın üzvləri olan 2 fələstinlini izləmək və qaçırmaq üçün əməliyyata cəlb edib. Hadisə sentyabrın 28-də baş verib. Yaxınlıqdakı ticarət mərkəzinin kafesində oturub nahar edən fələstinli proqramçılar artıq getməyə hazırlaşıb. Bu zaman ağ rəngli maşın fələstinlilərin yanında dayanıb. İçindən 4 nəfər çıxıb və maşında sürücünün oturacağında oturan ilk fələstinlinin yanına gediblər. Qadına rəislərinin onunla danışmaq istədiyini deyiblər. Sonra onu maşından çıxararaq döyüblər.

Digər fələstinli dostuna kömək etməyə çalışsa da, döyülən ondan uzaq durması ilə bağlı xəbərdarlıq edib, işarə verib.

Bunun İsrail agentlərinin işi ola biləcəyini anlayanda ikinci fələstinli yaxınlıqdakı mehmanxanaya qaçaraq oradakı təhlükəsizlik işçilərindən kömək istəməyə başlayıb, naməlum maşın isə içəridəki dostu ilə birlikdə sürətlə hadisə yerindən uzaqlaşıb. Həmin avtomobili “kölgə maşın” izləyib.

İkinci fələstinli qaçırılmadan təxminən 40 dəqiqə sonra Dan Van polis bölməsinə şikayət edib.

Qaçırılan fələstinlinin avtomobilin içərisində döyülməsi davam edib. Onu oğurlayanlar əl telefonunu götürərək kilidini açmağa məcbur ediblər. Fələstinli telefonun dostuna məxsus olduğunu deyərək onları aldadıb.

Məlum olub ki, qaçıranlar aşkar edilmək qorxusundan telefonun Kuala Lanqataya doğru sürətlə hərəkət edərkən maşının pəncərəsindən çölə atıblar.

Əlləri bağlanmış və gözləri qapalı olan fələstinli qadın qurbanı rayonun sakit bir küncündəki dağ evinə gətiriblər və orada malayziyalı adam oğruları onu kresloya bağlayıblar.

Zərərçəkmişlə video zəng əlaqəsi qurulub. Xətdə israilli olduğu güman edilən 2 adam varmış və onlar fələstinliyə deyiblər: “Bilirsən niyə buradasan!”

“Ola bilsin ki, adam oğurluğu edən əməliyyatçılar, yəni “israilli işçilər” və dağ evində onları gözləyən bir neçə digər malayziyalı səhv əməliyyat qurublar, çünki onlar çaşqınlıqda digər fələstinlini əldən buraxıblar... əslində, o, daha “qiymətli kadr” olardı”, - deyə məsələdən xəbəri olan mənbə bildirib.

Onlar, həmçinin üzlərini örtməyi bacarmayıblar, bu, hər hansı bir gizli əməliyyatda əsaslı boşluqdur. Əməliyyatda istifadə edilən avtomobilin üzərindəki nömrənin də orijinal olduğu aydınlaşıb.

Dağ evində ikinci qurban üçün nəzərdə tutulmuş oxşar quruluşa malik başqa bir otaq hazırlanmışdı.

Növbəti 24 saat ərzində qurbanın cavabları israilliləri qane etmədiyi üçün “Malayziya əməliyyatçıları” tərəfindən dindirilib və döyülüb.

Bu arada malayziyalı əməliyyatçılardan biri digər israilli ilə birbaşa əlaqə saxlayır, onun əmrlərini yerinə yetirib.

“İsraillilər onun kompüter proqramlarının hazırlanmasında təcrübəsi, HƏMAS-ın proqram təminatının hazırlanmasında gücü, “Əl-Qəssam Briqadası”nın üzvləri və onların güclü tərəflərini bilmək istəyirdilər”, - deyə mənbə vurğulayıb.

Bu vaxt polis dərhal işə cəlb edilib və onları dağ evinə aparan maşının marşrutunu izləyə bilib.

Polis qrupu dağ evinə basqın edərkən, sorğu-sualın davam etdiyi və meydana gələn xaosdan bir anlıq çaş-baş qalan israillilərin xəttin o biri ucunda "Salam! Salam!" deyib video əlaqəni dayandırması baş verib.

İsraillilərin polisin içəri keçməsindən bir qədər əvvəl qurbana verdiyi son sual HƏMAS-ın yüksək rəhbərliyindən kimin dostu ilə görüşdüyü olub.

“Malayziya polisi cəld hərəkət etməsəydi, qurban çox güman ki, öldürüləcəkdi”, - deyə mənbə qeyd edib.

Zərərçəkmiş fələstinlilər o vaxtdan Malayziyanı tərk ediblər. O, bədənindən, başından və ayaqlarından xəsarətlər alıb.

Ötən ilin mayında İsrail mediası yəhudi dövlətinin bütün dünyada HƏMAS-a müharibə elan etdiyini yazmışdı. İsrailin yüksək səviyyəli rəsmiləri harada olurlarsa olsunlar, bütün HƏMAS liderlərinin arxasınca gedəcəklərini demişdilər. Onlar İsrail qüvvələrinin təkcə Qəzzada deyil, İran, Qətər, Türkiyə və Malayziyada da HƏMAS liderlərini hədəf alacaqlarını bildiriblər.

21 aprel 2018-ci ildə fələstinli professor və HƏMAS üzvü 35 yaşlı Fadi Məhəmməd əl-Batş Kuala Lumpurda avtomobillə atışma zamanı öldürülüb.

Ailəsi onun qətlinə görə “Mossad”ı ittiham edib.

HƏMAS da “Mossad”ı ittiham etsə də, İsrail kəşfiyyat agentliyi bu işdə əli olduğunu təkzib edib.

Ana səhifəyə dön