Qureyşinin öldürülmə əməliyyatının detalları açıqlanıb

Ötən həftələrdə Türkiyə-Suriya sərhədindəki hərbi əməliyyatla ABŞ ordusu İŞİD-in yeni lideri kimi tanınan Qureyşini ölü olaraq ələ keçirib.

Reyting.az xəbər verir ki, Türkiyənin “burunun ucunda” keçirilən əməliyyata dair rəsmi Ankaraya məlumat verilməməsi ciddi müzakirələrə səbəb olsa da, sonradan ABŞ mediası bu əməliyyatın pərdəarxası barədə Ankaraya son anda məlumat verildiyi ortaya çıxıb.

İŞİD-in yeni lideri Qureyşiyə edilən sübh basqınından sonra öldürülməsi son bir neçə həftədə beynəlxalq ictimai rəyin gündəminə çevrilib.

ABŞ mediası ciddi mənbələrə əsaslanaraq əməliyyatın pərdəarxasını yazıb.

ABŞ-ın nüfuzlu qəzetlərindən olan “Washington Post” və “New York Times” bombanı işə salaraq özünü öldürən və dinc insanların ölümünə səbəb olan Qureyşinin necə aşkarlandığını və əməliyyatın gedişi ilə bağlı yeni məlumatlar əldə edib.

Əbu İbrahim əl-Haşimi əl-Qureyşinin 2015-ci ildə bir ayağını itirdiyini deyən yüksək səviyyəli bir ABŞ rəsmisi əlavə edib ki, iki illik axtarışdan sonra həm yerüstü kəşfiyyat, həm də PUA (pilotsuz uçuş aparatı) onun gizləndiyi yeri müəyyənləşdirib. Məlum olub ki, Qureyşi bəlli binada gizlənir.

Əlavə olunub ki, dron görüntülərində sağ ayağı olmayan saqqallı bir adamın evin damında vanna qəbul etdiyi görünərkən, Vaşinqton rəhbərliyi bu binaya diqqət yetirməli olub.

Üçmərtəbəli binaya giriş-çıxışda sıx hərəkət olduğu müşahidə edilib və ABŞ ordusu hələ sentyabr ayında əməliyyat keçirməyi planlaşdırıb. Amma bəzi şərtlər səbəbindən əməliyyat təxirə salınıb.

Nəhayət ötən həftə əməliyyatın keçirilməsi qərarı verilib. Delta Forke Kommandos tərəfindən təşkil edilən əməliyyatda çoxlu təlimlər keçirildiyi qeyd edilərkən, Bayden dekabrın sonunda əməliyyata “yaşıl işıq” yandırıb. Amma Suriyanın şimal-qərbindəki əlverişsiz hava şəraiti və əməliyyatın Ay işığı olmayan bir gecədə keçirilmə təklifi əməliyyatın fevralın 2-dək ləngiməsinə səbəb olub. İŞİD-in əvvəlki lideri Bağdadiyə qarşı bənzər əməliyyat da 2019-cu ilin oktyabrında reallaşdığı qeyd edilərkən, Baydenin Qureyşini diri ələ keçirmək istədiyi məlum olub.

“New York Times” qəzetində dərc olunan məqalədə ABŞ səlahiyyətlilərinin Türkiyəyə bu əməliyyatla bağlı son dəqiqə xəbər verdiyi qeyd edilib. Qəzetdə yer alan xəbərdə qeyd olunur ki, ABŞ vertolyotları Suriya Demokratik Qüvvələrinin (ABŞ-a bağlı terrorçuların) bölgədəki mərkəzindən havaya qalxıb. “Gecə irəlilədikcə bir çox məntəqələrdə yanacaq doldurulub. ABŞ rəsmiləri hər hansı təsadüfi təmasların qarşısını almaq üçün hücumdan bir müddət əvvəl bölgədə hərbi cəhətdən mövcud olan İsrail, Türkiyə və Rusiya tərəfini məlumatlandırdıqlarını bildiriblər”, - deyə məlumatda bildirilir.

Ana səhifəyə dön