Əsəd ordusu Rusiya və İran arasında bölünüb - Yüksək rütbəlilərə sui-qəsdlər artır

Vətəndaş müharibəsinin başlanğıcında 320 minlik Suriya ordusu 2016-cı ildə kiçilərək cəmi 130 minlik orduya çevrilib.

Reyting.az xəbər verir ki, Suriya Milli Ordusunun (SMO) sözçüsü, polkovnik Yusif Xalid Hamud bildirib ki, rejimə bağlı ordu yenidən ikiyə bölünüb.

Yusif Xalid Hamud əlavə edib ki, Suriyada Rusiya və İran arasında hiss edilməyəcək təsir savaşı gedir. Onun sözlərinə görə, Əsədə bağlı ordu yenidən bölünərək ikiyə ayrılıb: “Putin Rusiyası Suriyada böyük ölçüdə hərbi güclərə nəzarət edir. Moskvanın sadəcə, suriyalıların təhsil və rus doktrinasına bağlı qalması məqsədilə hərbi akademiya qurub. Amma İran sahib olduğu siyasi, mədəni, iqtisadi və tarixi əlaqələr səbəbindən Suriya üzərində hələ də təsirini saxlayır”.

İran ordusu

Suriyada Bəzz ordusunun İran tərəfindən dəstəklənən Mahir Əsəd və Rusiyaya bağlı Suheyl Həsən arasında bölündüyünü iddia edən Yusif Xalid Hamud deyib ki, Əsəd ordusu bir mərkəzdən idarə olunmur: “Komanda və koordinasiya tamamilə Dəməşq və Lazkiyə arasında bölünüb. Dəməşqdəki hərbi mərkəz Yafur bölgəsində qurulan qərargahdır. Burada cümhuriyyət mühafizləri və Suriyanın ən böyük hərbi gücü olan 4-cü ordu birləşməsidir ki, buna da Mahir Əsəd və İran İnqilab Keçikçiləri Qvardiyası nəzarət edir. Bu qüvvələr İrana bağlıdır. Bütün silah və hərbi avadanlıq da İran tərəfindən təchiz olunur. Elə savaş strategiyasını da İran hazırlayır. Tehran Humus, Dəməşq və Deyr əz-Zordan imtina etmək istəmir.

Lazkiyədə rus ordusu

Suriyanın ikinci ən böyk hərbi gücü 2012-2013-cü illərdə Suheyl Həsən tərəfindən Suriya ordusuna bağlı xüsusi qüvvələr hesab olunan Qaplan qüvvələridir. En-Nimr kimi tanınan Suheyl Həsən Rusiyanın Suriyaya daxil olduğu 2015-ci ildən rus güclərinə bağlıdır və Suriyadakı Rusiya bazası Himeymimdən idarə olunur. Süheyl Həsən burada artan rus təsirinə paralel olaraq fərqli bölgələrdə hərbi qüvvələrin iştirakı ilə 5-ci ordu birləşməsini qurub və gücünü bir qədər artırıb. Suheyl Həsəni rus əsgərləri və kəşfiyyatı mühafizə edir. Həsənin Himeymimdən kənar istifadə etdiyi qərargah Hələb-Hava-Cəviyyə hərbi kəşfiyyat mərkəzidir.

Bir ildə 17 sui-qəsd

İran və Rusiya arasında davam edən sahə və nüfuz savaşı mülki və hərbi sahələrə də təsir edib. Hazırda Mahir Əsəd qüvvələri ilə Suheyl Həsən birlikləri eyni yerdə deyil. Bu orduların koordinasiyası, strategiyası, plan və taktiki mərkəzləri də fərqlidir. Hətta bəzi zamanlar Deir ez-Zor, Humus və Dera kimi bölgələrdə bu qüvvələr bir-biri ilə vuruşur. Bundan başqa, saysız sui-qəsdlər yolu ilə tərəflər rəqib saydıqları şəxsləri aradan götürməyə çalışırlar. Son bir ildə aralarında general, polkovniklərin olduğu 17 nəfər yüksək çinli hərbçi və kəşfiyyatçı sui-qəsdlər nəticəsində öldürülüb.

Ana səhifəyə dön