Ukrayna Müdafiə Nazirliyinin Baş Hərbi Kəşfiyyat İdarəsi (GUR) Rusiyadakı “Tamanneftegaz” dəniz neft terminalına hücum edib.

Reyting.az xəbər verir ki, bu barədə Ukrayna mediasI GUR-dakı mənbələrinə istinadla yazıb.

Məlumata görə, zərbələr neft terminalındakı avadanlıqlara, mayeləşdirilmiş neft-qaz terminalına, liman infrastrukturuna ziyan vurub və genişmiqyaslı yanğına səbəb olub.

Mənbələr bildirir ki, hərbi kəşfiyyat Ukraynaya qarşı müharibənin maliyyələşdirilməsində birbaşa iştirak edən təcavüzkar dövlətin enerji sektoruna qarşı sanksiyaları artırır.

“Tamanneftegaz” tərəfindən idarə olunan Taman Daşıma Kompleksi Qara dəniz bölgəsindəki ən böyük komplekslərdən biridir. Onun neft məhsulları və maye qaz üçün ümumi saxlama tutumu 1 milyon kubmetrdən çoxdur.

Ukrayna Silahlı Qüvvələrinin Baş Qərargahı “Tamanneftegaz” terminalının məhv edildiyini təsdiqləyib.

V. QULİYEV