Rusiyanın hücumu əsas məqsədinə çatmadan zəifləyir

Ukraynanın Kursk bölgəsinə basqınının həyəcanı söndükdən sonra cəbhədəki əsas rus hücumu yenidən üstünlük təşkil etməyə başlayıb. Ukrayna qoşunları Rusiya ordusunun say və atəş gücü baxımından əhəmiyyətli üstünlüyə malik olması səbəbindən Donbassda geri çəkilir.

Reyting.az-ın məlumatına görə, “Economist” nəşri Kiyevdəki mənbələrinə istinadla yazır ki, Ukrayna qüvvələri Uqledarı tərk edib və döyüş Toretsk istiqamətində davam edir, lakin bu günə kimi orada ciddi irəliləyiş qeydə alınmayıb.

Qeyd olunur ki, Rusiya hələ də Çasov Yar və Pokrovski kimi mühüm şəhərləri tuta bilməyib. Sonuncu Ukrayna üçün əsas logistika mərkəzi olaraq qalır, lakin Rusiya qoşunları onun üzərində döyüşə qapanıblar.

Avqust ayında Pokrovskinin mümkün sürətlə süqutu fəal şəkildə müzakirə edilsə də, indi Rusiyanın irəliləməsi yavaşlayıb və son üç həftədə əhəmiyyətli ərazi qazanmayıblar.

Almaniyanın keçmiş müdafiə rəsmisi Niko Lanqenin sözlərinə görə, artilleriyanın şəhərə yaxın olmasına baxmayaraq, Rusiyanın Pokrovski üzərində tammiqyaslı hücuma keçmək üçün kifayət qədər gücü yoxdur. Pokrovskinin ələ keçirilməsi Rusiyaya mərkəzi Ukraynaya hücumunu davam etdirməyə və Donbassın cənubunda logistikanı pisləşdirməyə imkan verəcək. Lakin uğurlu olsa belə, əməliyyat bir neçə ay davam edə və rus qoşunları böyük itkilərlə üzləşə bilərlər.

Ukrayna müdafiəsinin mümkün süqutu ilə bağlı narahatlıqlara baxmayaraq, Kiyev düşmənə maksimum itkilər verməklə əraziləri tədricən təslim etmək strategiyasını davam etdirirlər. Rusiya itkiləri, xüsusən də kişi və texnikada gündə min əsgərə qədər yüksəlir və Sovet zirehli texnikası gələn il üçün tükənə bilər.

Xatırladaq ki, Müharibənin Tədqiqi İnstitutu bildirir ki, Rusiya Pokrovski uğrunda döyüşdə ən azı beş zirehli diviziyasını itirərək, mövqelərini xeyli zəiflədib.

Artilleriya sahəsində Rusiyanın üstünlüyündə də azalma var, baxmayaraq ki, o, Şimali Koreyadan gələn sursatlardan daha çox asılıdır. Əgər ilin əvvəlində artilleriya atəşinin nisbəti Rusiyanın xeyrinə 10:1 idisə, indi bu fərq 2,5:1-ə endirilib. Bu, müttəfiqlərdən və Ukraynanın öz istehsalı olan mərmilərin tədarükü, habelə Rusiya silah-sursat anbarlarına uğurlu zərbələr nəticəsində mümkün olub. Bununla belə, nəşr qeyd edir ki, Rusiya Federasiyası hücumun əsas məqsədinə nail olmayıb:

“Ukraynanın perspektivləri ilə bağlı hazırkı tutqunluğa baxmayaraq, Rusiya əsas məqsədinə - bu ilin sonuna qədər Donetsk və Luqansk vilayətlərinə nəzarətin qurulmasına nail olmaqdan uzaqdır”.

Niko Langenin qeyd etdiyi kimi, Rusiya “informasiya müharibəsi”ndə irəliləyir. Ukraynanın qalib gələ bilməyəcəyi fikri getdikcə Qərb liderləri tərəfindən hərbi dəstəyi məhdudlaşdırmaq üçün bəraət qazandıran, özünü doğruldan bir reallığa çevrilir.

Bir nümunə var: vəd edilən yardım gec gəlir və ya ümumiyyətlə verilmir. Amerikalı analitik Flipp Obrienin qeyd etdiyi kimi, bu il ABŞ-dan Ukraynaya hərbi yardımın həcmi 2023-cü illə müqayisədə nəzərəçarpacaq dərəcədə azalıb.

Ukrayna mediasına görə, ruslar Donbassda 4 yaşayış məntəqəsini işğal edib. İşğalçılar Donetsk vilayətindəki Nikolaevka, Krasnıy Yar və Krutoy Yardan başqa Luqansk vilayətindəki Myasoçarivkanı da ələ keçiriblər. Amma bu məlumat rəsmi olaraq təsdiqlənməyib.

V. QULİYEV

Ana səhifəyə dön