Putinin memarı müştərilərini ələ vermək istəmir

O, astronomik kirayə haqqı ilə qəşəng bir məhəllədə işləyir, ancaq divardakı lövhədə adı yoxdur. Onu tapmaq istəyən, bunun üsulunu bilir.

"Mən 20 il əvvəl İtaliyadan Bolonyadakı “Mascagni” mebel şirkətinin nümayəndəsi olaraq bircə çamadanla gəlmişdim, bu gün isə “Forbes” siyahısında olan 116 rus milyarderindən 42-si müştərilərimdir", – deyə oliqarxların ulduzu qürurla deyir. Putin də möhtəşəm villa tikdirmək qərarı verdikdə, məhz ona üz tutub.

Reyting.az “La Repubblica”-ya istinadla xəbər verir ki, İtaliyanın Treviso şəhərindən olan 55 yaşlı Lanfranko Çirillo Rusiyada və vətənində “zəif izlər buraxıb”, yalnız yelkənli qayıq sürmə idmanını himayə etdiyinə görə özü üçün mükafat və s. qopara bilib. Ancaq Putin Rusiyasında Çirillonun tamamilə fərqli şöhrəti var.

Frunzenskaya prospektində, çardaqdakı əlçatmaz studiyasının divarlarında Çar Vladimirin iki fotoşəkili var. Otaqda kiçik özəl idman salonu, bəzi ailə xatirələri, iş masası, görüşlər üçün bir masa qoyulub – nəhəng qlobusu nəzərə almasaq, sıradan bir italyan ixracatı. O, müştərilərinin pulları ilə bağlı araşdırmalara heç vaxt cəlb olunmayıb, "həmişə istintaqdan kənarda qalıb", İtaliya və Rusya Milli Federasiyasının yelkənli qayıq idmanı sponsoru, xüsusi təyyarə və "dünyanın hər yerində 50-dən çox qayıq sahibi", "Braziliyanı Olimpiadaya gətirməyə çalışacaq" kapitanın patronu, Brianzadaki baytarlıq klinikasının xeyriyyəçisi kimi tanınıb...

“Min işçim var, bir neçə italiyalı. 100 milyonluq hesab-faktura ödəyirəm”.

Bir neçə həftə əvvəl Putin ona fəxri vətəndaşlıq da verib. "Əgər Rusiyada ən nüfuzlu şəxslər İtaliya mələfələri üzərində, İtaliya mebeli ilə İtalyan sənət əsərləri arasında yatırsa, bu mənim xidmətimdir və buna görə xoşbəxtəm".

Xoşsima qaskonlu illərdir səssizcə milyonlarla dollar yığıb-toplayıb. Sonra italiyalı memarın şöhrəti ağızdan-ağıza keçərək Kremlə də çatıb və adı xəbər lentinə düşüb. Qara dəniz sahilində "Putinin bağ evini", Sardiniyada Berluskoni villasının rus oxşarını - “Min Bir Gecə” villasını tikib; bunu reallaşdırmaq üçün vəsait səhiyyə sahəsindəki şişirdilmiş qanun layihələrindən, 1 milyard dollarlıq fırıldaqla əldə edilib. Vəsaitin kiçik bir hissəsi Lixteşteyndə Çirillo ilə əlaqəli “Medea” fondunun hesabına yatırılıb.

Çirillo deyir: "Bu, hansı ölkədə nə etməyi bilən müştəridir". Putin? "Bu ad heç vaxt çəkilmir", - deyə Çirilo gülümsəyir. “Hər halda müştərilərimin kim olduğunu demirəm. Rusiyanın ən böyük neft şirkəti olan “LukOİL” prezidenti üçün mənzil düzəltdim, ancaq başqa şeyləri sizə deyə bilmərəm. Bir oliqarxın arvadının yemək zamanı ərini yumruqladığını görmüşəm, amma bunu kimə və necə deyə bilərəm? Müəyyən insanlar üçün işləyirsinizsə, susmağı öyrənirsiniz. 20 min kvadratmetrlik təyyarələr və evlər düzəltmişəm. Xaricdəki böyük neft şirkətləri və prezidentlərin tətil villaları üçün nümayəndəliklər. Mayami və Dubayda, Parisdə, Londonda...“

O, Rusiyada ən populyar memardır. İtaliyaya yalnız kölgəsi qayıdıb: «Yazıblar ki, mən topoqrafam, budur mənim dərəcəm, Venesiyada alınıb. 20 il ərzində çətin və mürəkkəb bir ölkədə heç vaxt problem yaşamadım. Məni “insan üzlü kapitalist” adlandırırlar və bununla fəxr edirəm. Mənsə ölkəmə kömək etməyə çalışıram, İtaliyadan həftədə 5 yük maşını idxal edirəm: mərmər, mebel, pərdələr, işıqlandırma... Təxminən 30 italyan həmişə burada işlə məşğuldur. Böyük bir sərvət qazanmışam, amma İtaliyada məni vergi çekləri ilə mükəlləf ediblər... Dəlil varmı?!

Pulsuz fəaliyyət göstərmək üçün baytarlıq klinikası açmağa çalışdım və ASL məni blokladı. Breşia ərazisindəki hektarlarla ərazi almaq istədim, 60 fermerə iş vermək üçün, 2 illik bürokratik əngəldən sonra bu fikirdən imtina etdim”.

Onun üçün Rusiya daha yaxşıdır. “Burada dövlət borcu yoxdur, əcdadlarının borclarını ödəmək üçün vətəndaşların cibinə girməməlisən. İtaliyada həmkarlar ittifaqı işçiləri və siyasətçilər qapımda növbəyə durardı, burada isə yalnız illik yoxlamalar var. İnsanlar ehtiyac olduğu müddətdə işləyirlər, cəmi 13% vergi ödəyirsiniz. Bu vergidən yayınırsınızsa, axmaqsınız!”

Ana səhifəyə dön