Rus aktyor azərbaycanlı vəkildən niyə imtina edib?

Rusiyanın əməkdar artisti Mixail Yefremov vəkili Elman Paşayevin xidmətindən imtina edib. Sərxoş vəziyyətdə yol qəzası törətmiş və qarşıdan gələn avtomobilin sürücüsünün ölümünə səbəb olmuş aktyor “daha ağıllı vəkil” tapmaq istəyini dilə gətirib.

Bəs Elman Paşayev kimdir?

Reyting.az “AiF”-ə istinadla xəbər verir ki, Moskvanın mərkəzindəki Smolenskaya meydanında ölümlə nəticələnən yol qəzasında təqsirli bilinən aktyor Mixail Yefremovun keçmiş vəkili Elman Məhərrəm oğlu Paşayev 22 dekabr 1971-ci ildə Ermənistanın Basarkeçər rayonunun Şişqaya kəndində anadan olub. 1987-ci ildə "KamAZ" avtomobilinin sərxoş sürücüsünün təqsiri üzündən Paşayevlər ailəsi - ana, ata və 2 qardaş ölüb. O zaman 15 yaşlı Elman Paşayev 1989-cu ildə orta məktəbi bitirib ordu sıralarına çağırılıb. Paşayev Odessa Hərbi Dairəsində xidmət edib, 1990-1991-ci illərdə Dnestryanı münaqişəsinin iştirakçısı olub.

Orduda xidmət etdikdən sonra "Axtarış" və "Haqq sözü" qəzetlərində jurnalist kimi çalışıb, sonra Azərbaycan Daxili İşlər Nazirliyində xidmətə keçib.

Rus aktyor azərbaycanlı vəkildən niyə imtina edib?

1997-ci ildə Elman Paşayev Moskvaya köçüb. Birinci Moskva Hüquq İnstitutunu (hüquqşünaslıq, cinayət hüququ ixtisası üzrə) bitirib. Sonra Moskva Dövlət Hüquq Akademiyasından hüquq dərəcəsi alıb və bu universitetdə kriminologiya ixtisası üzrə aspiranturanı bitirib. Elman Paşayevin də Rusiya Federasiyası Prezidenti yanında Rusiya Dövlət İdarəçilik Akademiyasının diplomu var.

Vəkil Rusiyada və xaricdə bir neçə əlavə təhsil alıb. Oksford Universitetində (Böyük Britaniya) və Con Hopkins Universitetində (ABŞ) mühazirələr oxuyub.

2000-ci ildən Paşayev hüquqi fəaliyyət göstərir. O, 2009-cu ildə “Elman Group” beynəlxalq hüquq firmasını təsis edib.

Paşayev bir neçə dəfə vəkil statusundan məhrum edilib. Hüquq firmasının veb saytında 2004-cü ildə "Eqida" Moskva Vəkillər Kollegiyasına qəbul edilib və rəqibinin şikayətindən sonra 2011-ci ildə oradan qovulub. 2012-ci ildə vəkil statusu bərpa edilib, lakin 2013-cü ildə Elman Paşayev yenidən ondan məhrum olunub. Açıq mənbələrdən alınan məlumatlara görə, Paşayev eyni zamanda Krasnodar diyarı və Yamalo-Nenetsk Muxtar Dairəsi vəkillər palatalarının reyestrində qeydiyyata alınıb. Elman Paşayevin “Facebook” səhifəsində onun Şimali Osetiya Vəkillər Kollegiyasının üzvü olduğu göstərilir.

2018-ci ildə Elman Paşayev istintaq altında olub, hədə-qorxu ilə tələb etdiyinə görə. "Rosbalt" nəşri xəbər verir ki, vəkil barəsində 2 ay müddətinə həbs qətimkan tədbiri seçilib. Açıq mənbələrdən alınan məlumatlara görə, Paşayev Rusiya Federasiyası Cinayət Məcəlləsinin 330-cu maddəsi ("Özbaşınalıq") ilə Mıtışçı Şəhər Məhkəməsi tərəfindən 1 il şərti azadlıqdan məhrum edilib.

P.S. Son məlumata görə, Mixail Yefremov yenidən Paşayevin onun vəkili olmasını istəyib.

Ana səhifəyə dön