200 milyonluq mübahisə: soydaşlarımızın qarşıdurması yenidən araşdırılıb

Rusiya mətbuatı yenidən azərbaycanlı iş adamlarından yazıb. “The Moscow Post”un əməkdaşı Anna Arxangelskaya Qod Nisanov və onun keçmiş biznes şəriki İlqar Hacıyevin 200 milyon dollarlıq mübahisəsini araşdırıb:

“Aldadılmış payçılar və digər şahidlər “Kiyevskaya ploşad” şirkəti sahibinin əleyhinə çıxdılar.

“Kiyevskaya ploşad” şirkətinin ortağı Qod Nisanov keçmiş biznes şəriki İlqar Hacıyevi sıxışdırmağa və SDI Qrupun strukturlarından pul “çəkməyə” davam edir. Münaqişə hələ 2019-cu ildə Hacıyev, Qod Nisanovun hərəkətləri nəticəsində öz biznesindən məhrum olanda və təhlükədən qaçaraq xaricə getməyə məcbur olanda böyük səs-küyə səbəb olmuşdu.

O, öz aktivlərinə nəzarəti, sözsüz ki, itirib”.

“The Moscow Post”un müxbiri İlqar Hacıyevin şərikləri ilə əlaqə saxlayaraq, quldurcasına qəsb və Qod Nisanovun top-menecerlərinin SDI Qrupun nəzarətində olan “Akkord Xüsusi İnşaat”dan, “Komfortİnvest” İxtisaslaşdırılmış İnşaatçı MMC-dən və “USK”dən nəzarətsiz çıxarılan pullar haqqında eksklüziv təfərrüatları öyrənib:

“Konflikt 200 milyon dollar gəlir vəd edən “VernadSKY” JK (Yaşayış Kompleksi) layihəsindən başlayıb. Nəhəng inşaat layihəsində Hacıyev və “İlion-Treyd Firması” MMC (hüquqi varis qismində “Rijskaya MMC-nın çıxış edtdiyi firmanın təsisçiləri siyahısında, böyük ehtimal ki, Zarah İliyevin qohumları olan İliyev Ben Sion Zaxaroviç və İliyev Roman Laziroviç adlı adamların adı var) iştirak edirdilər.

İlqar Hacıyev bu layihəyə 360 milyon rubl vəsait qoyub və inşaat başa çatdıqda yaşayış sahəsinin 70, kommersiya sahəsinin isə 50 faizi ona çatmalı imiş. Yerdə qalan sahələr də Qod Nisanovun və onun əmisi (dayısı, bibisi, xalası) oğlu Vladislav Yusupovun payına düşürmüş. Lakin görünür, Hacıyevin payı çox “şirin” olub, odur ki, aktivlərin idarə olunmasına əvvəlcə Nisanovun yaxın adamı Albert İmanilov cəlb edilib, daha sonra isə Hacıyevi layihədən tamamilə uzaqlaşdırıblar!

200 milyonluq mübahisə: soydaşlarımızın qarşıdurması yenidən araşdırılıb

Ancaq görünür, bu da azlıq edib. 2019-cu ildə Nisanovun “Vityaz” ÇOP-dan (Xüsusi Mühafizə Təşkilatı) olan qoluzorluları “VernadSKY”nin ofisinə, üç gündən sonra isə SDI Qrupun baş ofisinə soxulublar. İdarə qəsb olunub və pulları onun strukturlarından nəzarətsiz şəkildə çıxarmağa başlayıblar!

Təkcə Hacıyevin biznesi deyil, payçıların hüquqları da təhlükəyə məruz qalıb. Çünki inşaat dayandırılıb! İş adamının prokurorluğa müraciətləri hüquq-mühafizə orqanları tərəfindən başdansovdu qarşılanıb”.

Payçılar Prezidentdən kömək istəyir

Müəllif ehtimal edir ki, sakinlər öz mənzillərini hələ çox gözləməli olacaqlar, çünki yaşayış kompleksinin pullarının cəmləndiyi “Komfortİnvest” İxtisaslaşdırılmış İnşaatçı MMC-dən 200 milyon vəsaiti firmanın direktoru Nikita Dalniçenko çıxarıb. Çox güman ki, o da Qod Nisanovun adamıdır. Axı Dalniçenkonun bu pulu həm vəzifə səlahiyyətlərinə, həm də payçılığa əsaslanan inşaat qanunvericiliyinə uyğun olaraq kimsəyə vermək hüququ yoxdur:

200 milyonluq mübahisə: soydaşlarımızın qarşıdurması yenidən araşdırılıb

“On milyonlarla vəsait “Akkord Xüsusi İnşaat”MMC-nin hesablarından da eyni üsulla (bilərəkdən qaytarılmayan borclar verməklə) çıxarılıb. Bu zaman baş direktor Valeri Nojiçkin ödəmə sənədlərini imzalamaqdan imtina edib. Ancaq pulları yenə də aparıblar. Görünür, SDI Qrupun ofisi qəsb olunan gün peyda olub, özünü şirkətin meneceri kimi təqdim edən Flera Teplinskayanın verdiyi “əmr” dadlarına çatıb. Nojiçkin hesab edir ki, Teplinskaya, Vladislav Yusupovun razılığı ilə hərəkət edib. Bəlkə “Vlad ilə razılaşdırılıb” yazılmış bütün ödəmə sənədlərinə imza atan elə onun öz əli olub?”.

Teplinskaya sənədi Nojiçkinin imzaladığını “sübut edir”

Bəs Valeri Nojiçkin özü nə deyir: “Nisanov ilə Hacıyev arasındakı münaqişədən mənim xəbərim vardı, ancaq onların barışacağını və işlərin öz axarında davam edəcəyini düşünürdüm. Lakin 2019-cu il aprelin sonunda təkcə baş ofis deyil, bütün tikinti meydançaları da qəsb olunanda, əməkdaşlar iş yerlərinə buraxılmayanda SDI Qrupun mövcudluğu böyük sual altına düşdü”.

Nojiçkin saxtalaşdırılmış imzalar haqqında da danışıb:

“Mənim firmam xərclərin optimallaşdırılması məqsədilə başqa bir şirkətlə mühasibat xidmətlərinin göstərilməsi haqqında müqavilə bağlamışdı. Mən bankın açarlarını və elektron-rəqəmsal imzaları mühasibat uçotu apara bilmələri üçün həmin şirkətə vermişdim. Ancaq necə olubsa, quldurcasına basqın zamanı onlar üçüncü şəxslərin əlinə keçib və onlar maliyyə sənədlərində mənim imzalarımı saxtalaşdıraraq, şirkətimin pul vəsaitlərini öz şirkətlərinin hesablarına köçürüblər”.

Hazırda məhkəmə pristavları müntəzəm olaraq baş direktora borc sənədləri gətirirlər. Bundan başqa, maaşları ödəmədiyi üçün ona cinayət işi də qaldırılıb. Valeri Nojiçkin dəfələrlə hüquq-mühafizə orqanlarına müraciət edib, ancaq tərəzinin gözü hələ ki, Nisanovun adamları tərəfə əyilir.

“Akkord Xüsusi İnşaat” şirkətinin layihələri dayandırılıb, insanlar işdən çıxarılıb, məhkəmələr gedir, qalıb işləyən rəhbərliyi cinayət məsuliyyəti gözləyir. Yeri gəlmişkən, “Akkord Xüsusi İnşaat”a qarşı məhkəmə cərimələrinin məbləği təxminən 1,5 milyard rubldur!

“Yeni” top-menecerlərlə müşavirə

Quldurlardan ziyan görən təkcə “Akkord Xüsusi İnşaat” deyil, həm də onun tərəfdaşlarıdır. “The Moscow Post”, “Tesla” MMC-nin baş direktoru Anatoli İvanovdan açıqlama alıb. Bu şirkət “Akkord Xüsusi İnşaat” ilə bir neçə obyektdə əməkdaşlıq edib, elektrik cihazlarının quraşdırılması işlərini yerinə yetirib.

Anatoli İvanovun sözlərinə görə, quldurcasına qəsb “Tesla” şirkətinə bu cür təsir edib:

“2019-cu ildə tikinti meydançalarından birinə “Perspektiv Texnologiyaların İnkişaf Agentliyi” adlanan bir qurumun nümayəndələri gəldilər. Onlar dedilər ki, “Akkord Xüsusi İnşaat” şirkəti ümumi podrat müqaviləsini onlara həvalə edib və üçtərəfli müqavilə bağlanmasını tələb etdilər. Həmin müqavilənin şərtlərinə görə, “Akkord Xüsusi İnşaat”ın bizə ödədiyi 8 milyon rubl vəsaiti tam həcmdə avans olaraq onlara verməliydik”.

Anatoliy İvanov tərəfdaşlarına zəng vurub müqavilənin saxtalaşdırıldığını öyrəndikdən sonra naməlum qurumla hər hansı sənədi imzalamaqdan imtina edib. “Perspektiv Texnologiyaların İnkişaf Agentliyi” dərhal “Tesla”nı məhkəməyə verərək, ondan şirkətin artıq çoxdan sərf etdiyi avansı tələb edib! Həm də məbləği iki dəfə artıraraq, 16 milyona çatdırıb!

200 milyonluq mübahisə: soydaşlarımızın qarşıdurması yenidən araşdırılıb

Prokurorluq niyə heç nə etmir?

SDI Qrupun strukturlarından böyük məbləğdə vəsaitlərin çıxarılması haqqında “USK” MMC-nin keçmiş baş direktoru Alan Kabanov da danışıb. Sabiq top-menecer əvvəlcə bildirib ki, baş ofis zəbt olunduqdan sonra onu və digər rəisləri toplayıb, Vladislav Yusupovun apardığı iclas keçiriblər. Yığıncağın mahiyyəti ondan ibarət olub ki, şirkətin bütün qruplarına real rəhbərlik Yusupovun və Flera Teplinskayanın əlinə keçib.

Alan Kabanov deyib: “Pulların çıxarılması iki mərhələdə həyata keçirilib. Məsələ burasındadır ki, “USK”nın öz mühasibatı olmayıb və elektron açarlar SDI Qrupunun bütün qruplarına xidmət göstərən başqa bir mühasibat qrupunun əlində olub. Quldur basqınından sonra mən açarları bloklamağı qərara aldım. Bundan sonra mənə Hacıyevin strukturları ilə faktiki olaraq heç bir fəaliyyət həyata keçirməyən firmaların siyahısından ibarət bir çıxarış verdilər”.

Deməli, pullar “saxta firmalara” köçürülüb! Alan Kabanov görülmüş işlərə dair heç bir akta imza atmayıb, bu firmaları da ilk dəfə görürmüş! Burada da pulların “yuyulmasında” məhz qaytarılmayan borclar məsələsindən istifadə edə bilərdilər və Flera Teplinskayasız keçinməyiblər. Teplinsakaya qrupun bütün fəaliyyətinə nəzarət edib və ödəmə sənədlərini də o imzalayıb.

“USK” rəhbərliyi ucadan car çəkərək, pul köçürmələrinin saxta olduğunu tanımaları üçün bütün mümkün insansiyalara məlumat verib. Ona görə ki, borc müqavilələrinə baxsaq, “USK”-nın yetərincə böyük faiz dərəcəsi olduğunu, borcluların ödəmə etməli olduqlarını, ancaq öz öhdəliklərini yerinə yetirmədiklərini görmək olar.

200 milyonluq mübahisə: soydaşlarımızın qarşıdurması yenidən araşdırılıb

Ancaq görünür, Nisanov qanun-manun hərləmir. Elə onun hazırda SDI Qrupu idarə edən harınlamış top-menecerləri də. Paytaxt bazarlarının mənfur sahibi payçıların halına çətin yansın. “Yuyulmuş pullar” yəqin çoxdan xarici hesablarda “quruyurlar”.

SDI Qrupu qəsb etdiyinə görə Nisanova hələ də heç bir irad bildirilməyib. Görünür, Qod müəllim xoşbəxt ulduz altından dünyaya gəlib. Ancaq qrupun keçmiş və hazırda iş başında olan baş direktorlarından ikicəciyinin ifadəsini almaq yetərlidir ki, onu bir neçə illik içəriyə “istirahətə” göndərsinlər!

Ana səhifəyə dön