Azərbaycanlı iş adamına qarşı ağır ittihamlar irəli sürülür

“Bir müddətdir “Mosenerqo”nun hesabdarları Yeni Moskvada və paytaxtın cənub-şərqindəki “Nijniye Polya” küçəsi ərazisində elektrik enerjisi sərfiyyatının görünməmiş dərəcədə artığını qeydə alırlar. Amma həmin ərazilərdə əhalinin xüsusi artımı müşahidə olunmur və sənaye istehsalında da durğunluq var”.

Reyting.az xəbər verir ki, bu, Чечня FREE.RU saytında azərbaycanlı iş adamı ilə bağlı “Qod Nisanovun dəftərindəki “Çukça“ ləqəbli adam kimdir?” başlıqlı məqalədə yazılıb.

Sayt, elektrik enerjisinin istifadəsindəki artımın səbəbinə aydınlıq gətirməyə çalışıb:

“Sıçrayışın səbəbləri aydındır: 2014-cü ildən bu yana Yeni Moskvadakı Mamıri kəndinin yaxınlığında “Food City” topdansatış bazarı 91 hektarlıq ərazidə gurultu və hay-küy salıb. “Nijniye Polya”nı sivilizasiyaya birləşdirən isə eyni gurultunu qoparan “Sadovod” bazarı ilə “Yujnıe vorota” avtovağzalıdır. Bütün bu topdan-pərakəndə ticarət obyektələri “Rusiya daşınmaz əmlakının kralı”, Azərbaycandan olan tat-dağ yəhudisi Qod Nisanova məxsusdur. Onun çox şeyi var, ancaq bu obyektlər daha gəlirlidir və Nisanov ilə şəriklərinə ildə ən azı bir milyard yarım təmiz gəlir gətirir. Söhbət rəsmi gəlirdən gedir. Qeyri-rəsmi gəlirin nə qədər olduğunu isə ancaq ehtimal etmək olar. Görünən qisim olan müxtəlif ticarət obyektləri, dükanlar, mağazalar, kafelər, bərbərxanalar, anbarlar və digər infrastrukturlar əsas gəliri gətirən görünməyən hissəni – müxtəlif dərəcəli və ağırlıqlı narkotik maddə alverini, onu dərhal tamamlayan “sevgi” və əyləncə biznesini gizlətməyə xidmət edir. Ən müasir yeniliklər də Nisanova yad olmadığından o, gizli kabinetlərdə və topdansatış bazarlarının geniş zirzəmilərində kriptovalyuta “mayninq”i (ing. “mining”) fabriklərini yerləşdirib.

Qısaca ifadə etsək, bu “şaxta-fabriklər” məlum blokçeyn texnologiyası və İnternet vasitəsilə bitkoinlər və digər kriptovalyutalar əldə etməyə, sonra onları adi milli pullara çevirməyə imkan verir. Burada Mərkəzi Bank bitkoinlərə nəzarət edə, hüquq-mühafizə orqanları keçirdikləri reydlər zamanı onları tuta bilmirlər: kriptovalyutaları, necə deyərlər, trans-sərhəd üsulları ilə köçürmək və nağdlaşdırmaq mümkündür. Bu əməliyyat cinayətkarlar, terrorçular və bu bizneslə yaxından maraqlanan bütün fırıldaqçılar üçün əlverişlidir. Mayninqin (bitkoin əldə etmək) yeganə çatışmayan cəhəti çox güclü kompüter sistemi və həddindən artıq çox elektrik enerjisi tələb etməsidir. Son iki-üç ildə “Sadovod”, “Food City” və “Yujnıe vorota”nın elektrik enerjisi istifadəsini kəskin artırmaları, bunun üçün kabelləri, elektrik avadanlıqlarını yeniləmələri, elektrik kəsintilərinin qarşısının alınması üçün ehtiyat dizel generatorlar qoymaları bundan ötrüdür.

Qanunsuz pulların yuyulmasına və onlardan terror məqsədilə istifadəyə qarşı mübarizə aparan Beynəlxalq FATF (Financial Action Task Force) təşkilatı bu cür “fabrikləri” aşkar etməyə çalışır. Bunun üçün əsas etibarilə həm “şaxtalarda” istifadə olunan elektrik enerjisinin artım dinamikasını, həm də əldə olunan kriptovalyutanın təxmini həcmini müəyyənləşdirməyə imkan verən üsul tətbiq olunur. Beləcə, Nisanovun sözügedən obyektlərinə tətbiq olunan metod göstərir ki, onun zəhmətkeş çinliləri (onlar mayninq üzrə dünya lideri olan ÇXR-dən xüsusi olaraq bunun üçün dəvət olunublar) öz sahibləri üçün hər gün 200 milyon rubl məbləğində kriptovalyuta qazanırlar! Bütün kənar subyektlər üçün qəti çəkildə qapalı olan, dünya üzrə əldə olunan blokların 2 faizinə malik xüsusi gürcü “pul”u (burada “pul” sözü kapitalist inhisarı növlərindən biri kimi başa düşülməlidir – tərc.) “Bitfury“dən istifadə edərək nə qədər rublu bitkoinlərə və valyutalara çevirib xaricə köçürdüklərini tam dəqiqiliyi ilə yəqin ki, ancaq FATF deyə bilər. Yeri gəlmişkən, bu xidmət Moskvada əldə olunan və “pul”ların miqdarına görə Rusiyanı dünyada beşinci yerə çıxaran kriptovalyutanın görünməmiş sıçrayışını qeydə alıb”.

Чечня FREE.RU daha sonra Q. Nisanova qarşı digər ittihamlar irəli sürür:

“Kriptovalyuta Qod Nisanova təkcə əlavə gəlir kimi lazım deyil. Əsas məqsəd və mənfəət Rusiyada qazanılan böyük pulları sərhəddən xaricə – Moskvadakı maymaq yerlilərə arabir baş çəkən uğurlu müstəmləkəçi Nisanovun əsas yaşayış yerinə keçirməkdir. Nisanovun qurbanlarından biri də iş adamı İlqar Hacıyevdir. O da azərbaycanlıdır, ancaq nə dağ yəhudisidir, nə də tat. Yəqin elə buna görə, Nisanov onu əvvəlcə bir sıra yaşayış binalarını birgə inşa etməyə dəvət edib, sonrada sınaqdan çıxardığı üsullarla ona “atıb”, on milyonlarla dollar məbləğində aktivlərini quldurcasına qəsb edib. Bu hadisə elektron KİV-də geniş işıqlandırılıb və hüquq-mühafizə orqanlarında hərtərəfli araşdırılır.

Lakin çox mühüm bir detal pərdə arxasında qalır: özünün yetərincə iş adamı olan Moskva üçün kənar və yad olan Nisanov və onun şəriki İliyevin gücü nədədir? Niyə onlara heç kəsin dişi batmır? Onlar nə üçün öz vətənləri Azərbaycana qayıtmırlar? Nisanov çox sadə bir səbəbdən qorxubilməz və cəzasız fəaliyyət göstərir, öz cinayətkar çevrəsini günü-gündən genişləndirir; çünki Moskva meriyasında qüdrətli himayədarları var. Əvvəllər bu şəxs Yuri Lujkov idi, indisə Nisanovun kapitalı Sergey Sobyaninin gözlərini qamaşdırır.

İlqar Hacıyev xatırladır ki, Nisanovla şərik işlədiyi vaxtlar sonuncu Sobyaninə vermək üçün ümumi dövriyyədən 12 faiz çıxarırmış. “Rusiya daşınmaz əmlakının kralına” müntəzəm təqdim olunan xərclər və rüşvətlər “qara mühasibatında “Çukça – 12 faiz” qrafası varmış. Belə bir “şərti” işarənin arxasındakı məkrlilik aydındır: möhtəkir keçmişə malik hər bir şəxs kimi Nisanov da qəlbində rüşvət verməyə məcbur olduğu məmurlara nifrət edir, çünki onları müftəxor, özünü isə ağlı və alın təriylə çalışan zəhmətkeş sayır və s. Özünü seçilmişlərə aid edən insana “çukça” adı qoyulması isə təbiidir. Bundan başqa, “çukça” şimal xalqlarına verilən ümumi addır, hərçənd, Sobyanin qismən fin-uqorlardan olan mansidir. Ancaq milli mənsubiyyətlərindən asılı olmayaraq, onları pula olan sevgi birləşdirir. Sobyaninin Nisanovla əməkdaşlığının əsas səbəbi onun bir çox müəssisələrindən yaxşı pay almasıdır. Onlardan biri də Avropadan, Azərbaycandan, Türkiyədən gətirilən nəhəng qaçaq malı kütləsinin bölüşdürüldüyü və “Food City”də yerləşən logistika mərkəzidir. Bu gəlirlər əsasən nağd şəkildə olur, ona görə də, onları leqallaşdırmaq lazım gəlir. Bu leqallaşdırma qismən bukmeker kontorları vasitəsilə aparılır, ancaq əsas pul kütləsi həcmi Nisanovun “kriptofabriklərindən” keçir. Bu işdə diribaş və zirək işbazın Sergey Semyonoviçə əməlli-başlı köməyi dəyir və bu izdivac hər iki tərəfə sərf edir. Bir məsələ istisna olunmaqla: əgər hüquq-mühafizə orqanları Nisanovu da tat millətindən olan keçmiş dostu Telman İsmayılov kimi, FATF-nin təhriki ilə qamarlasalar, Sergey Semyonoviçin ölkənin birinci şəxsi vəzifəsini tutmağa olan siyasi ümidləri puça çıxacaq. Nisanovun xərac dəftərində ləqəbi “Çukça – 12 faiz” yazılan adama axı kim səs verər?”

Ana səhifəyə dön