Stalinin milli mənşəyi ilə bağlı araşdırma yekunlaşıb

Bu yaxınlarda keçmiş SSRİ rəhbəri İosif Stalinin DNT-si təhlil edilib və zamanında "xalqlar lideri" adlandırılan Baş katibin milli mənşəyi ilə bağlı mübahisələrə son qoyulub.

Reyting.az bildirir ki, tarixi sənədlərdə İosif Stalinin milliyyəti barədə fərqli məlumatlar verilib.

Məlum olduğu kimi, İosif Cuğaşvili (Stalin) Gürcüstanın Qori şəhərində anadan olub və rəsmi tərcümeyi-halında onun atası gürcü kimi yazılıb. Lakin, təəccüblü olsa da, Rusiyanın tanınmış simaları, məsələn, Osip Mandelştam, Lev Trotski və Stalinlə şəxsən tanış olan bir çox başqaları onun osetin mənşəli olduğunu dəfələrlə qeyd ediblər. Rusiyalı professor Anatoli Klesov isə məhz bu məsələyə aydınlıq gətirmək, mübahisələrə son qoymaq qərarına gəlib.

Vaxt məhdudiyyətlərinə görə, "xilaskar rəhbərin" bədənindən material çıxarmaq mümkün olmayıb. Elə buna görə də elmi qrup Stalinin nəvəsi, Vasili Stalinin oğlu, aktyor, rejissor Aleksandr Burdonskidən DNT nümunəsi götürüb. Daha sonra isə proses zamanı Klesovun araşdırmaları göstərib ki, Burdonskinin əcdadlarının əsl vətəni Osetiya olub. "İosif Stalin tipik Osetiya haplotipinə malikdir və həmçinin osetin haplotiplərinin böyük klasterinin daşıyıcısıdır. İ. Stalin də həmin osetinlərdən biri olub",- söyləyən professor fikrini belə yekunlaşdırıb.

Alim bildirib ki, üstəlik, bu, sırf elmi dəlillərə - xüsusilə də Şimali Osetiya sakinlərinə xas olan, dəyişməz qalan G2a haploqrup variasiyasının DNT-dəki aydın mövcudluğuna əsaslanır. Araşdırmaların nəticəsi göstərib ki, ümumiyyətlə, həmin bölgə əhalisinin 60 faizindən çoxu ancaq G2a daşıyıcısıdır.

"Sözsüz ki, bu cür gen dəyişikliyinə Qafqazın digər xalqlarında da rast gəlinir, lakin müqayisədə çox azdır. Belə bir nəticəyə gəlmək olar ki, məsələn, abxazlar, eləcə də adıgeylər, kabardiyalılar və çərkəzlər təxminən 40 faiz müvafiq, saf genlərə malik olmaqları ilə öyünə bilərlər. Lakin bütün bunlara baxmayaraq, Gürcüstan sakinləri arasında əhalinin 20 faizdən azı nadir G2a daşıyıcısıdır", - deyə alim əlavə edib.

Maraqlıdır ki, 1991-ci ildə kəşf edilmiş qədim Avropa əhalisinin mumiyalanmış nümayəndəsi də G2a gen variasiyasına malik idi. Qalıqları Alp dağlarında tapılan Tirol adamın isə təxminən 5,5 min il əvvəl yaşadığı məlum olmuşdu. Lakin alimlərin fikrincə, ondakı genom avropalılar üçün xarakterik deyildi.

Bu da bir daha sübut edir ki, osetinlərin əcdadları qədim Qafqaz ərazisində artıq insanların məskunlaşdığı yerlərə sonralar pənah gətiriblər. Tədqiqatçılar bildiriblər ki, hətta ola bilsin, osetinlər müəyyən bir ciddi səbəb ucbatından qədim Qafqaza digər qitədən gəliblər.

Professor Anatoli Klesovun nəzəriyyəsinə görə, genetik məlumatlara əsaslanmaqla, avropalıların ilk böyük dalğalarından biri təxminən 25-30 min il əvvəl qədim Şimali Mesopotamiyadan Qafqazın vasitəsilə buraya nüfuz edə bilərdi.

Alim deyib: "Belə çıxır ki, Stalin Homo Sapiensin bu nümayəndələrinin uzaq nəslindəndir".

Oqtay QORÇU

Ana səhifəyə dön