Superkompüterlər pulemyotlarla əhatə olunacaq

Amerika Birləşmiş Ştatlarında, eləcə də Çində gələcək superkompüterlər pulemyotlarla və tikanlı məftillərlə əhatə olunacaq, hər biri nüvə elektrik stansiyaları ilə təchiz ediləcək.

Reyting.az xəbər verir ki, bunu "Google"-nin keçmiş baş direktoru Erik Şmidt "Noema" nəşrinə müsahibəsində deyib.

Onun proqnozuna görə, çox yaxın gələcəkdə ABŞ-da və supergücün böyük rəqibi olan Çindəki müasir superkompüterlər hərbi bazaların mühafizəsi altında çox sərbəst şəkildə süni intellektlə hesablama aparacaqlar.

E. Şmidt "xAI" layihələrindən danışıb. Mütəxəssis deyib ki, onun təsəvvür etdiyi gələcək olduqca qorxunc və qaranlıqdır.

Şmidt hökumətlərin süni intellektə hansı şəraitdə və necə nəzarət edəcəyi, eləcə də süni intellektin üzərində işləyən əsas məlumat mərkəzlərinə nəzarət yollarının necə axtarılacağı barədə maraqlı, əhatəli məlumatlar verib.

"Google" şirkətindən ayrıldıqdan sonra ABŞ-nın hərbi sənaye kompleksi ilə sıx əməkdaşlığa başlayan iş adamının sözlərinə görə, elə zaman gələcək ki, ABŞ ilə Çin “müstəqil ixtira” potensialına malik az sayda, həm də son dərəcədə güclü superkompüterlərə sahib olacaqlar – onların performansı həm də dövlətlərin öz vətəndaşlarını sərbəst təmin etmək üçün düşündüklərindən də (Çox güclü rəqabət çərçivəsində) qat-qat yüksək olacaq.

E. Şmitd əlavə edib ki, hər bir belə superkompüter müəyyən olunmuş hərbi bazaya bitişik olacaq, həmçinin nüvə enerjisi mənbəyi ilə təchiz ediləcək. "Bir də dediyim kimi, onlar tikanlı məftillər və pulemyotlarla əhatə olunacaqlar. Sözsüz ki, mənə görə belə maşınlar az olacaq - güclü superkompüterlər daha az, amma güclü olacaq, onlara giriş isə daha geniş, əhatəli qurulacaq. İnanın, əgər düzünü desək, Amerika Birləşmiş Ştatlarında ən məhsuldar superkompüterlər hələ də çox ciddi mühafizə olunan ABŞ-nın Energetika Nazirliyinin Milli laboratoriyalarındadır və onlara məxsusdur", - Şmitd söyləyib.

Mütəxəssis daha sonra bildirib ki, bioloji laboratoriyalardan nümunə götürməklə hesablama sistemlərindəki təhlükəsizlik səviyyələrinə dair razılaşmalar mütləqdir. Buna görə də biologiyada bioloji təhlükə səviyyələrinin qiymətləndirilməsi məhz onun yayılmasının qarşısını almaq, eləcə də yüksək infeksiya riskinin səviyyəsini qiymətləndirmək üçün uğurla sınaqdan çıxmış texnoloji vasitə olaraq çox geniş yayılıb. "Nə qədər qəliz və mürəkkəb izah olsa da sadəcə, onu demək istəyirəm ki, böyük təhlükələri aradan qaldırmaq üçün superkompüterlərlə oxşar təsnifatı tətbiq etmək məntiqlidir. Konkret olaraq mənim fikrimcə, əks istiqamətdə, həm də belə bir məsuliyyətli sahədə aparılacaq ciddi işlər tezliklə, bəlkə də çox yaxın gələcəkdə ABŞ-da və Çində yaradılacaq superkompüterləri ölümcül silaha çevirəcək",- deyə E. Şmitd narahatlığını ifadə edib.

Qeyd E. Şmitd süni intellekt üzrə ABŞ-nın Milli Təhlükəsizlik Komissiyasının sədri və eyni zamanda MTK-da Müdafiə İnnovasiyaları Şurasının üzvü olub. O, həmçinin müdafiə startaplarına aktiv sərmayə qoyub və bu riskli addımı atmaqla həm də sərmayə yatırdığı "Alphabet" şirkətindəki nüfuzunu saxlamağı bacarıb. E. Şmidt bu şirkətdə milyardlarla dollar dəyərində səhmlərə sahibdir.

E. Şmidt müsahibəsində deyib: "Ümumilikdə ABŞ hərbi və kəşfiyyat agentlikləri indi də böyük dil modellərindən (LLM) və ya generativ süni intellektdən çəkinirlər və yaxud da çox ehtiyat edirlər. Çünki belə işləyən sistemlərdə ilk baxışdan inandırıcı görsənən, lakin yanlış nəticələrə gətirən, yəni “hallüsinasiyalar” çoxluq təşkil edir. Bundan əlavə, mütləq onu da qeyd edim ki, belə sistemlərdə məxfi məlumatların saxlanması məsələsi kəskin qoyulmalıdır. Düşünürəm ki, bununla bağlı müzakirələr aparılmalıdır".

Nəşr xatırladır ki, bu ilin əvvəlində "Microsoft" şirkəti Ayovada fəaliyyət göstərən və İlon Maska məxsus olan "AI" məlumat mərkəzlərindən birini təkmilləşdirdikdən sonra nəhayət xüsusi olaraq ABŞ-nın kəşfiyyat agentlikləri üçün internetdən təcrid olunmuş bu generativ "AI" modelinin tətbiqini təsdiqləyib.

Qeyd olunur ki, "Microsoft" şirkətinin nümayəndəsi iki il əvvəl belə proqnoz verib:

"Gələcəyin müasir texnoloji öncüllərinin sırasında öz xüsusi yeri ola biləcəyinə ümid bəslənən fərqli "Exascale" superkompüterlərinin müasir nəsil modeli fikrimcə, sonuncu olacaq və üstəlik də yer-göylə savaşa hazırlıqlı kimi görünən bu yeni nəsil süperkompüterlər zaman ötdükcə, fəaliyyətinin çox yüksək həddi sayəsində səmada buludlara qədər gedib çıxacaq".

E. Şmidt sonda bir daha vurğulayıb ki, o, müasir texnoloji layihələrin, yeniliklərin əleyhinə olmasa da, süperkompüterlərin daima nəzarətdə olacağına arxayın deyil.

Oqtay QORÇU

Ana səhifəyə dön