Həbs olunmasından bir neçə ay əvvəl reper-prodüsser Şon Kombs (Diddi) Mayamidəki M2 klubunda çıxışı üçün 100.000 dollar nağd pul alıbmış.

Reyting.az xəbər verir ki, bu barədə “Page Six” nəşri məlumat yayıb.

Bildirilir ki, maliyyə əməliyyatı onun anası, 84 yaşlı Cenis Kombsun adını daşıyan şirkət vasitəsilə həyata keçirilib. Jurnalistlər ehtimal edirlər ki, sənətçi o zaman qarşıdakı potensial həbsindən xəbərdar olub.

V. QULİYEV

Müğənni Rəqsanə İsmayılova ilə aparıcı Səidə Bəkirqızı qalmaqalı sülhlə bitib.

Reyting.az xəbər verir ki, Rəqsanənin üzrxahlığına Səidə Bəkirqızı barışıq mesajları ilə cavab verib.

"Mənə elə gəlir ki, Rəqsanə xanım çıxışıma tam baxmayıb. Mən deməmişəm ki, Rəqsanə kimi xanımı evində arvad edən kişi deyil və sairə. Demişəm ki, Rəqsanə kimi xanımları, sənət adamlarını evinin xanımı etmək hər kişinin işi deyil. Eyni zamanda bizim kimi tanınan aparıcıları da evinin xanımı etmək hər kişinin işi deyil. Çünki biz evdə oturan xanımlar deyilik, ictimaiyyətə açıq insanlarıq.

O cür cəsarətli fotosessiyanın arxasında Fazil müəllim dayandığı üçün Rəqsanə bunu bacardı. Mən Fazil müəllimi aşağılamamışam. Elə bir tərbiyə almamışam ki, kiminsə ərini ələ salım. Çox istərdim ki, Rəqsanə xanım 5 dayaz düşüncəli işçidənsə, bir ağıllısını yanında saxlasın. Mənim çıxışımda təhqir yox idi, amma verilişdə Aynur Dadaşova sizi yenidən provakasiyaya çəkdi. Sizi istəyən insanlar olsaydılar, deyərdilər ki, Səidə xanımın çıxışını incələyək və sairə. Onda məsələ bu həddə çatmayacaqdı. Özümdən o qədər utanıram ki, saytı açırsan Səidə, sosial mediada Səidə.

Evdə TikTok-u silmişik. Baxmayaraq ki, bizim məsələmiz bu qədər ciddiləşib, hörmət olaraq deyirəm ki, yanınızdakı şəxslər sizi zərrə qədər sevmir. Mənim efirim hər kəsə açıqdır. Bizim heç kimlə düşmənliyimiz yoxdur".

Rəqasanə İsmayılova qonaq olduğu verilişdə Səidə ilə barışıq əldə edilməsinə reaksiyası isə birmanalı qaşılanmayıb.

"Çatlayın, partlayın, ölün, istədiyiniz olmadı. Bizi dalaşdırmaq istədilər, alınmadı. Səidə, bacı, sənə bir qazan dovğa bişirib gətirəcəyəm", - Rəqsanə barışıq sevincini belə ifadə edib.

Danimarkalı musiqiçi Filip Hallun oğlunun ad günü münasibətilə ona 521 dildə "Səni sevirəm" sözlərindən ibarət olan mahnı bəstələyib və bununla Ginnesin dünya rekordunu yeniləyib.

Reyting.az xatırladır ki, bundan əvvəlki rekord 2024-cü ildə 398 dil ilə qeydə alınmışdı.

"I Love You" adlı mahnını ata bir yaşını qeyd edən oğlu Uilyama həsr edib. Mahnı mətnində istifadə edilən 521 rəqəmi xüsusi məna daşıyır, çünki bu rəqəm Filip Hallunun uşağının doğum tarixinə, yəni 21 maya işarədir.

Musiqiçi yad dillərdə düzgün tələffüz üçün müxtəlif mənbələrdən, eyni zamanda musiqi alətlərindən istifadə edib.

Filip Hallun deyib ki, onun yeganə məqsədi oğluna olan sevgisini bütün dillərdə ifadə etmək və ömür boyu unudulmayacaq xoş bir xatirə yaratmaqdır.

Danimarkalı musiqiçinin öz övladına qeyri-adi hədiyyəsi artıq qaydalara uyğun şəkildə dünya rekordları tarixinə düşməklə tam təsdiqlənib və bununla da Filip Hallun Ginnesin Rekordları Kitabına öz adını yazdırıb.

Oqtay QORÇU

“Gül kimi xidmət edirdim də… Hər şeyi darmadağın etdilər”.

Reyting.az xəbər verir ki, bu sözləri meyxanaçı Namiq Qaraçuxurlu sosial şəbəkə hesabında yazıb.

O, illər əvvəl təşkil edilmiş konsertindən video paylaşaraq bu sözləri qeyd edib: "Bunları görməyənlər bəlkə də hələ də meyxana konsertinə bu qədər xanımın və ya insanların ailə ilə gələ biləcəyini absurd sayırlar. Bəli, meyxanada ağıla gəlməyən uğurlar əldə etmək mümkündür. Sadəcə bunu içdən istəməlisən”(qafqazinfo).

"Bir insanı mühakimə etmək çox asandır. Amma mühakimə etdiyin insanın nə yaşadığını bilirsənmi? Mən düşünürəm ki, qadınlar həmişə bir-birinə dəstək verməlidirlər. Mənim etdiyim fotosessiyadakı geyimi nə televiziyada, nə də toylarda geyinmişəm. Həmin fotosessiya bir layihə üçün idi və mən bunu ilk dəfə yox, dəfələrlə etmişəm. Qadının qadına qarşı bu qədər aqressiv olması düzgün deyil. Bilmirik bir dəqiqədən sonra başımıza nə gələ bilər. Həyatdır, hər kəsin başına hər şey gələ bilər”.

Reyting.az Bakupost.az-a istinadla xəbər verir ki, bu sözləri müğənni Rəqsanə İsmayılova "Günə Uğurla" verilişində bir neçə gündür aparıcı Səidə Bəkirqızı ilə aralarında yaranmış qalmaqaldan danışarkən deyib.

Aparıcı haqda səsləndirdiyi fikirlərdən bəhs edən müğənni bildirib: “Ola bilsin ki, hansısa cümlədə səhv etmişəm, nəsə demişəm. Amma mən ölüyə toxunmamışam. Toxunmuşamsa da, məni də başa düşün. Birincisi, mən danışmamalı idim, amma artıq əsəblərim tarıma çəkilib. Özümü cilovlaya bilmirəm, sinirlərim çox pozulub”.

R.İsmayılova vurğulayıb ki, tənqidə açıqdır, amma şəxsi həyatına toxunulmasını qəbul etmir: “Başa düşürəm, sən jurnalistsən, məni tənqid edə bilərsən. Amma mənim həyat yoldaşıma və övladlarıma toxunmamalısan. Düşünürəm ki, bunlar olmamalı idi. Açığı deyim ki, o xanımı elə də yaxından tanımırdım. Onu Tiktok və İnstaqramdan tanıyırdım”.

Müğənni onunla bağlı müzakirələrə etiraz etdi: “Məndən nə istəyirsiniz? Nə alıb-verə bilmirsiniz mənimlə? Sevə-sevə təqdim etdiklərinizin efirdə, konsertlərdə geyimlərinə baxın. Fotosessiyamdan danışarkən mənim ailəmə toxundu. Bu da istər-istəməz mənə təsir etdi. Müğənniyəm, qarşınızdayam, indiyə qədər haqqımda nə istəmisiniz demisiniz. Tənqid də qəbul etmişəm, deyilənlərə hörmətlə yanaşmışam. Amma o artıq həyat yoldaşıma qarşı təhqir həddini aşdı. Ona görə də əsəblərimi cilovlaya bilmədim”.

“Hazırda problemlərim olduğunu bildiyiniz halda mənə toxunmaq, məni incitmək nə qədər asandır... Bu gün bunu bilərək niyə üzərimə gəlirsiniz? Məndən nə istəyirsiniz? Qoyun rahat balalarımı saxlayım. Biz qadınıq, bir-birimizi başa düşməliyik. Yenə də o xanımla heç bir ədavətim yoxdur”, – deyə Rəqsanə özünə haqq qazandırmağa çalışdı.

Amerikalı müğənni, rəqqasə, aktrisa və prodüser Madonna sovet dövrünə aid papağı geyinərək ukraynalıları təəccübləndirib.

Reyting.az xəbər verir ki, rus işğalını dəfələrlə pisləyən və Ukraynanı dəstəkləyən 67 yaşlı ulduz bu geyimdə çəkilmiş şəkillərini “İnstaqram” hesabında paylaşıb.

O, ingilis rəssam Treysi Eminin iqamətgahına səfəri zamanı papağı sınayıb:

“Mən Treysi ilə 25 ildən çoxdur tanışam və onun əsərlərinin pərəstişkarı olmuşam. Lakin onun bu dənizkənarı icmada yaratdığı əsərlər həqiqətən də fövqəladədir. Onun, dünyanın hər yerindən gənc rəssamları gəlib rəsm çəkməyə və bir neçə ay burada yaşamağa dəvət etdiyi bir rəssam rezidentura proqramı var. Bunlar, əks halda rəsm çəkmək və istedadlarını inkişaf etdirmək, eləcə də Marqeyt ərazisində keçirilən çoxsaylı sərgilərdə iştirak etmək üçün yerləri olmayan sənətçilərdir”.

Madonna səfəri ilə bağlı həvəsli şərhlər yazıb və qeyd edib ki, “nifrət və qətl haqqında deyil, insan əlaqələri və incəsənətin insanları ruhlandırmaq və birləşdirmək gücü haqqında” xəbərləri paylaşmaqdan məmnundur.

Şərhlərdə ukraynalılar müğənninin səfər üçün geyim seçiminə təəccübləndiklərini bildiriblər.

V. QULİYEV

Müğənni Ofeliya Şabanova tez-tez gündəmə gəldiyi həyat yoldaşı Ceyhun Şabanovla rəsmi nikahının olmaması barədə iddialara cavab verib.

Reyting.az xəbər verir ki, müğənni "Rəngarəng" verilişində bu iddiaları təkzib edib.

"Hər şey gözəldir. Allaha şükür, rəsmi nikahım da var. Bir-iki nəfər istəyir ki, məni xalqın gözündən salsın. Bu da alınan deyil. Elin gözü tərəzidir, hamı baxanda bilir ki, kim kimdir. Kim necə həyat yaşayır. Qoy desinlər, Allaha həvalə edirəm. Nə vaxt desəniz, nikah şəhadətnaməsini efirə gətirim" - o bildirib/pravda.az

“Əlindən tutub səhnəyə gətirdiyim, istər maddi, istərsə də mənəvi dəstək olduğum insan indi deyir ki, bu yerə özüm gəlmişəm, hər şeyi özüm etmişəm. Yanıb-tökülürəm. Sənin görmədiyin pulları sənə vermişdim”.

Bu sözləri müğənni Manaf Ağayev “Tarixin bir günü” verilişində deyib.

Müğənni ad çəkmədən həmkarı Sevil İskəndərliyə sərt sözlər ünvanlayıb: “Bir il içində özünə ev də, maşın da aldın, səni Türkiyəyə, Dubaya, dünyanın hər yerinə aparıtdım. İndi necə deyə bilərsən ki, bunları özün etmisən? Allahdan qorxmursan?!”

Xatırladaq ki, müğənni Sevil İskəndərli bir neçə gün öncə efirdə belə bir açıqlama vermişdi: “Manaf Ağayevlə 5 il toylara getmişik. Amma mənim bu sənətə gəlişimə Manaf Ağayev dəstək olmayıb, dəstəyim Allah olub. Özüm öz gücümlə bu yerə gəlmişəm”.

Onun bu açıqlaması Manaf Ağayevi özündəm çıxartmışdı və açıqlamalarında ad çəkmədən həmkarını nankor adlandırmışdı/Musavat.com