Ermənistanda nüvə elektrik stansiyası üçün kiçik reaktorların tikintisi, çox güman ki, kreditlə maliyyələşdiriləcək və bunun pulunu gələcək nəsillər ödəyəcək.

Reyting.az “RİA Novosti”-yə istinadla bildirir ki, bunu Rusiya Təhlükəsizlik Şurasının katibi Sergey Şoyqu bildirib.

Qeyd edək ki, Rusiya tərəfi bu məsələyə elə də isti yanaşmır.

S. Şoyqunun sözlərinə görə, layihənin həyata keçirilməsinin Ermənistan iqtisadiyyatına investisiya qoyuluşu demək olacağına dair əsaslı şübhələr var:

“Çox ehtimal ki, bu, ölkənin illik ÜDM-nin üçdə birindən çoxunu təşkil edən alqı-satqı əməliyyatı olacaq. Və çox güman ki, yalnız indiki deyil, həm də respublikanın gələcək nəsilləri tərəfindən ödəniləcək kredit olacaq”.

Onu qeyd edək ki, Ermənistana səfərindən sonra ABŞ-nın vitse-prezidenti J.D. Vens nüvə enerjisi müqaviləsinin bir hissəsi olaraq, Amerikanın Ermənistana kiçik modul reaktorlar verəcəyini açıqlayıb.

V. QULİYEV

Gürcüstan sərhəd polisi və sahil mühafizəsi xidmətinin on bir əməkdaşı NATO-nun Türkiyədə keçirilən “Dəniz Mühafizəsi” əməliyyatında iştirak edib.

Reyting.az xatırladır ki, Türkiyə Hərbi Dəniz Qüvvələrinin xüsusi əməliyyat bölmələri də 21 yanvar - 9 fevral tarixlərində keçirilən təlimlərin iştirakçısı olublar.

İştirakçılar Türkiyə Hərbi Dəniz Qüvvələrinin TCG Qaziantep (F-490) freqatında yerləşdiriliblər.

NATO-nun “Dəniz Mühafizəsi” əməliyyatı hazırda Alyansın himayəsi altında keçirilən yeganə daimi dəniz təhlükəsizliyi əməliyyatıdır. Onun əsas məqsədi dəniz sahəsində terrorizmlə mübarizə aparmaq, sərbəst və təhlükəsiz naviqasiyanı təşviq etmək, dəniz təhlükəsizliyi imkanlarını inkişaf etdirmək və gücləndirməkdir.

Qeyd edək ki, ötən il noyabrın 21-də Tbilisi və Ankara arasında imzalanmış texniki müqaviləyə əsasən, Gürcüstan NATO-nun “Dəniz Mühafizəçiləri” əməliyyatında iştirak etmək hüququ əldə edib.

V. QULİYEV

İtaliyanın hüquq-mühafizə orqanlarının karabinerləri zibil qutusundan 120 min avro dəyərində qızıl külçələrin tapılmasına kömək ediblər.

Reyting.az-ın məlumatına görə, Lecce əyalətinin cənubunda yaşayan sakin təsadüfən içində təxminən 120 min avro dəyərində 20 qızıl külçəsi olan qutunu küçədəki zibil qutusuna atıb.

Karabinierlər kamera görüntülərinə əsasən huşsuz kişinin hərəkət trayektoriyasını “bərpa” edərək ərazidəki zibil qutusundakı xəzinəni aşkar ediblər. Bildirilir ki, hüquq-mühafizə orqanı əməkdaşları xəzinəsini geri qaytarmaq üçün bir neçə saat zibillikləri eşələyiblər.

V. QULİYEV

Brüsseldə NATO brifinqi zamanı Almaniyanın müdafiə naziri Boris Pistoriusu Ukraynaya növbəti dəstək paketi vəd etdikdən sonra onu öskürək tutub.

Reyting.az xəbər verir ki, bu barədə CNN məlumat yayıb.

Videodan görünür ki, alman nazir kamesadan qəfil üz döndərir, şiddətlə öskürür və daha sonra üzr istəyir:

“Məni bağışlayın, mən heç də Co Baydenin böyük qardaşı deyiləm. Sadəcə, soyuqdəyməm var”.

O, bundan sonra heç nəyə məhəl qoymadan danışmağa davam edib. Bu zaman Britaniyanın müdafiə naziri Con Healey alman həmkarını seyr edərkən üzündə təəccüb ifadəsi ilə kamera qarşısına keçib.

V. QULİYEV

Almaniya Avropadakı NATO tərəfdaşları ilə birlikdə çox sayda ucuz döyüş dronu almaq niyyətindədir.

Reyting.az xəbər verir ki, bu barədə xarici KİV-lər yazıb.

NATO müdafiə nazirləri müvafiq niyyət bəyannaməsini Brüsseldə imzalayıblar.

Bildirilir ki, dronların mənzili ən azı 500 kilometr olmalıdır.

Milli fövqəladə hal baş verərsə, onlar, digər məsələlərlə yanaşı, düşmən müdafiə sistemlərini dəf etmək üçün nəzərdə tutulub. Daha bahalı dəqiq idarə olunan silahlar müvafiq hərbi hədəfləri daha etibarlı şəkildə məhv etmək üçün istifadə edilə bilər.

Almaniyadan əlavə, Fransa, Birləşmiş Krallıq, Polşa və İsveç kimi ölkələr də satınalmada iştirak etmək niyyətindədirlər.

Almaniyanın müdafiə naziri Boris Pistorius Brüsseldə bildirib ki, məqsəd NATO daxilində Avropanın ənənəvi çəkindirmə və müdafiə qüvvələrini gücləndirməkdir.

ELÇİN

Kosovada ümumi seçkilərdən sonra hökumət qurmaq vəzifəsi daşıyan Albin Kurti yeni kabinet üzvlərinin adını açıqlayıb.

Reyting.az xəbər verir ki, Kosovo Demokratik Türk Partiyasının (KDTP) lideri Fikrim Damka yeni hökumətdə baş nazirin müavini postunu tutub.

“Bəli, bu gün 28 dekabrda keçirilən seçkilərin nəticələrinə əsasən, parlamentimizin 10-cu qanunvericilik dövrü başladı. Kosovo Demokratik Türk Partiyası (KDTP) icmalardan ən çox səs alaraq parlamentdə 2 millət vəkili ilə fəaliyyətini davam etdirəcək. Kosovo Demokratik Türk Partiyası təkcə parlamentdə deyil, həm də bu gün səsvermə yolu ilə seçilən Kurti hökumətində təmsil olunur və biz türk icmasının indiyə qədər tutduğu ən yüksək vəzifəni - Baş nazirin müavini vəzifəsini tutmuşuq. Məni bu vəzifəyə layiq bildiyinə görə Baş nazirə təşəkkür etmək istəyirəm. Şübhəsiz ki, biz Kosovoya və türk icmasına həm icmalar, həm də iqtisadi məsələlər baxımından xidmətlər göstərəcəyik. Regional inkişaf naziri kimi təcrübəmizə əsaslanaraq xalqımızın, icmamızın və Kosovonun inkişafına daha geniş miqyasda töhfə verəcəyik”,- Fikrim Damka bildirib.

O, əlavə edib ki, Kosovonun inkişafına daha geniş miqyasda töhfə verməyə davam edəcək.

E. KAMAL

Alman Hava Limanları Assosiasiyası 460-dan çox uçuşun ləğv ediləcəyini və bunun təxminən 69.000 sərnişinə birbaşa təsir göstərəcəyini proqnozlaşdırır.

Reyting.az xəbər verir ki, “Deutsche Lufthansa AG” 12 fevral Cümə axşamı günü Almaniya hava limanlarından uçan yüzlərlə uçuşu ləğv edib.

Səbəb tətildir. Pilotlar və stüardessalar uzun müddət davam edən kollektiv danışıqlara cavab olaraq bir günlük tətil elan ediblər. Tətil yerli vaxtla saat 00:01-də başlayıb və 12 fevral saat 23:59-a qədər davam edəcək. Bu, həm kommersiya, həm də yük reyslərinin ləğvi ilə nəticələnib və dünya liderlərinin Münhen Təhlükəsizlik Konfransına gəlməsindən bir gün əvvəl baş verib.

Məqalədə qeyd olunur ki, Alman aviaşirkəti “kütləvi uçuşların ləğvini” gözləyir. Lakin “dəyişkən vəziyyət” səbəbindən konkret rəqəmlər təqdim etməyib.

“Lufthansa” bildirib ki, “Austrian Airlines”, “Eurowings” və “Swiss” daxil olmaqla, qrup daxilindəki digər aviaşirkətlərdə sərnişinləri yenidən bron etməklə təsiri məhdudlaşdırmağa çalışır.

Qeyd edək ki, sərnişinlər milli dəmir yolu şirkəti olan “Deutsche Bahn”da səyahət üçün bilet dəyişdirmək seçiminə malikdirlər.

Xatırladaq ki, Almaniyada sonuncu pilot tətili 2022-ci ildə baş verib. “Axel Stasse” də daxil olmaqla “Morgan Stanley” analitiklərinin hesablamalarına görə, bu dəfə tətil 140.000-dən çox oturacağa təsir göstərə bilər və nəticədə təxminən 27 milyon avro və ya 32 milyon dollar gəlir itkisi baş verə bilər.

Tətillər “Lufthansa” ilə Vereinigung Cockpit pilotlar birliyi arasında pensiya maliyyələşdirilməsi ilə bağlı danışıqların uğursuzluğundan, eləcə də stüardessaları təmsil edən UFO birliyi ilə yeni əmək müqaviləsi ilə bağlı danışıqların uğursuzluğundan qaynaqlanıb.

V. QULİYEV

Moskva ABŞ raketlərinin Almaniyada yerləşdirilməsi qərarına qarşıdır.

Reyting.az xəbər verir ki, bu barədə “İzvestiya” qəzetinə müsahibəsində Rusiyanın xarici işlər nazirinin müavini Aleksandr Qruşko deyib.

Onun sözlərinə görə, Almaniyada Amerikanın uzaqmənzilli raketləri yerləşdiriləcəyi təqdirdə Rusiya daha effektiv əks-qüvvə qabiliyyəti yaratmaq niyyətindədir.

Diplomat onu da vurğulayıb ki, hərbi təmkin balansı əvəzinə bu cür hərəkətlər təhdidlər və əks-təhdidlər balansına gətirib çıxaracaq.

ELÇİN

Ötən gecə Ukraynanın paytaxtı Kiyevdə avtomobil partlayıb.

Reyting.az xəbər verir ki, bu barədə Kiyev hüquq-mühafizə orqanları məlumat yayıb.

Partlayış şəhərin Qoloseyevski rayonunda qeydə alınıb.

Hadisə yerində müstəntiqlər, bomba ekspertləri və təcili yardım xidmətləri çalışır. Mümkün itkilər barədə məlumat dəqiqləşdirilir.

Hadisənin təfərrüatları və partlayışın ilkin səbəbləri hələlik açıqlanmır.

V. QULİYEV